രാമേശ്വരത്ത് നിന്ന് 15 ഇന്ത്യൻ മത്സ്യത്തൊഴിലാളികളെ ശ്രീലങ്കൻ നാവികസേന അറസ്റ്റ് ചെയ്തു

മധുര: 15 ഇന്ത്യൻ മത്സ്യത്തൊഴിലാളികളെ ശ്രീലങ്കൻ നാവികസേന രാമേശ്വരത്ത് നിന്ന് അറസ്റ്റ് ചെയ്തു. ഇവരുടെ രണ്ട് മത്സ്യബന്ധന ട്രോളറുകളും കസ്റ്റഡിയിലെടുത്തു.

ശനിയാഴ്ച രാത്രി മീൻ പിടിക്കാനായി 400 ട്രോളറുകളാണ്​ കടലിലേക്ക്​ പോയത്​. വടക്ക്​ തലൈമാന്നാറിന്​ സമീപം സമുദ്രാതിർത്തി ലംഘിച്ചവരെയാണ്​ കസ്റ്റഡിയിലെടുത്തതെന്ന്​ ശ്രീലങ്കൻ നാവികസേന അറിയിച്ചു. സംഭവം രാമേശ്വരത്തെ മത്സ്യ തൊഴിലാളി കുടുംബങ്ങളിൽ ശക്തമായ പ്രതിഷേധത്തിന്​ കാരണമായിട്ടുണ്ട്​.

പത്ത്​ ദിവസം മുൻപും ഏഴ്​ തമിഴ്​ മത്സ്യ തൊഴിലാളികളെ ശ്രീലങ്കൻ നാവിക സേന പിടികൂടിയിരുന്നു.