മുംബൈ: മുൻ പൊലീസ് ഉദ്യോഗസ്ഥൻ സചിൻ വാസെയെ എൻ.െഎ.എ കസ്റ്റഡിയിൽ വിടണമെന്ന ആവശ്യം തള്ളിയ പ്രത്യേക കോടതി അദ്ദേഹത്തിന് ചികിത്സക്ക് അനുമതി നൽകി. ഹൃദ്രോഗത്തിന് ചികിത്സ തേടിയ 49കാരനായ സചിനെ കസ്റ്റഡിയിൽ കിട്ടണമെന്ന വാദമുയർത്തിയപ്പോഴാണ് മറ്റൊരു സ്റ്റാൻ സ്വാമി ഇനി വേണ്ടെന്ന നിലപാട് പ്രത്യേക ജഡ്ജി പ്രശാന്ത് ആർ. സിത്രെ എടുത്തത്.
തുടർന്ന് അദ്ദേഹത്തിന് താണെയിലെ സ്വകാര്യ ആശുപത്രിയിൽ ചികിത്സ തേടാൻ അനുമതി നൽകി. ജുഡീഷ്യൽ കസ്റ്റഡിയിൽ ജയിലിൽ കഴിയുകയാണ് വാെസ. അദ്ദേഹത്തിന് ഉടൻ ഹൃദയശസ്ത്രക്രിയ വേണ്ടിവരുമെന്ന ഡോക്ടർമാരുടെ നിർദേശം അഭിഭാഷകർ ഉന്നയിച്ചു.
ജുഡീഷ്യൽ കസ്റ്റഡിയിലിരിക്കെ വിദഗ്ധ ചികിത്സ കിട്ടാതെ മനുഷ്യാവകാശപ്രവർത്തകൻ ഫാ. സ്റ്റാൻ സ്വാമി മരിച്ചത് ഏറെ വിവാദമായിരുന്നു. അത് ചൂണ്ടിക്കാട്ടിയാണ് മറ്റൊരു സ്റ്റാൻ സ്വാമി വേണ്ടെന്ന നിലപാട് കോടതി എടുത്തത്. മുകേഷ് അംബാനിയുടെ വീടിനു സമീപം സ്‌ഫോടകവസ്തു കണ്ടെത്തിയ സംഭവത്തിലാണ് മുംബൈ പൊലീസ് ഉദ്യോഗസ്ഥനായ സചിൻ വാസെ അറസ്റ്റിലായത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.