ഹൈദരാബാദ്: കോവിഡ് 19 രോഗികളെ നിരീക്ഷണത്തിൽ പാർപ്പിക്കാനായി കോച്ചുകൾ ഐസൊലേഷൻ വാർഡാക്കാനൊരുങ്ങുകയാണ് ദക്ഷിണ മധ്യ റെയിൽവെ. കോച്ചുകൾ ഐസൊലേഷൻ വാർഡാക്കാനുള്ള ഉത്തരവ് ലഭിച്ചിട്ടുണ്ടെന്ന് സെക്കന്തറാബാദ് ഡിപ്പോ വ്യക്തമാക്കി. 60 വാർഡുകളൊരുക്കുകയാണ് തങ്ങളുടെ ലക്ഷ്യം. 60ൽ 41 കോച്ചുകളുടെ പണി പൂർത്തിയാക്കി. ഏപ്രിൽ10ന് മുന്നേ ജോലി തീർക്കേണ്ടതുണ്ടെന്നും കോച്ചിങ് ഡിപ്പോ ഓഫീസർ ഉമർകാന്ത് തൗരി വ്യക്തമാക്കി.
ഇതുവരെ ഐസൊലേഷൻ വാർഡുകളാക്കി മാറ്റിയ കോച്ചുകളിൽ ജനറൽ സിറ്റിങ് കോച്ചുകളുമുണ്ട്. അതിൽ മധ്യഭാഗത്തുള്ള ബെർത്തുകൾ എടുത്തു മാറ്റിയാണ് വാർഡുകളൊരുക്കുന്നത്. രോഗികൾക്ക് ഓക്സിജൻ സിലിണ്ടറുകൾ നൽകാനുള്ള സൗകര്യവുമുണ്ടെന്നും ഉമർകാന്ത് തൗരി പറഞ്ഞു. ഒമ്പത് കമ്പാർട്ടുമെൻറുകളിൽ ഒരു കമ്പാർട്ടുമെൻറ് ഡോക്ടർമാർക്ക് ഓക്സിജൻ സിലിണ്ടറുകൾ ഉൾപ്പെടെ സൂക്ഷിക്കാനുള്ളതാണ്.
രോഗികളുടെ കമ്പാർട്ടുമെൻറിൽ നിന്ന് ഡോക്ടർമാരുടെ കമ്പാർട്ടുമെൻറിനെ പ്ലാസ്റ്റിക് കർട്ടനുകൾ ഉപയോഗിച്ച് വേർതിരിച്ചിട്ടുണ്ടെന്നും മർകാന്ത് തൗരി പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.