മുലായം സിങ് യാദവിനും ശരദ് യാദവിനും ശാന്തി ഭൂഷണും ആദരാഞ്ജലിയർപ്പിച്ച് ആർ.എസ്.എസ്

സാമൽഖ (ഹരിയാന): അന്തരിച്ച സമാജ് വാദി പാർട്ടി അധ്യക്ഷൻ മുലായം സിങ് യാദവ്, സോഷ്യലിസ്റ്റ് നേതാവ് ശരദ് യാദവ്, മുതിർന്ന അഭിഭാഷകൻ ശാന്തി ഭൂഷൺ എന്നിവർക്ക് ആർ.എസ്.എസ് നേതൃത്വം ആദരാഞ്ജലിയർപ്പിച്ചു. ഹരിയാനയിൽ നടക്കുന്ന സംഘടനയുടെ വാർഷിക ജനറൽ ബോഡി യോഗമാണ് നേതാക്കൾക്ക് ആദരാഞ്ജലിയർപ്പിച്ചത്.

ഞായറാ​ഴ്ചയാണ് ജനറൽ ബോഡി യോഗം തുടങ്ങിയത്. കഴിഞ്ഞ വർഷം അന്തരിച്ച രാഷ്ട്രീയനേതാക്കൾക്കും പ്രമുഖ വ്യക്തികൾക്കും ആദരാഞ്ജലിയർപ്പിച്ചാണ് പരിപാടി ആരംഭിച്ചത്. നൂറിലേറെ ആളുകൾക്കാണ് ചടങ്ങിൽ ആദരാഞ്ജലിയർപ്പിച്ചത്. പ്രധാനമന്ത്രി നരേന്ദ്രമോദിയുടെ അമ്മ ഹീരാബെന്നിനെയും നടന്നും സംവിധായകനുമായ സതീഷ് കൗശിക്കിനെയും യോഗത്തിൽ അനുസ്മരിച്ചു.