ഹൈദരാബാദ്: മാരത്തോൺ ചർച്ചകൾക്ക് ശേഷം തെലങ്കാന പി.സി.സി ഭാരവാഹികളെ എ.ഐ.സി.സി പ്രഖ്യാപിച്ചു. തീപ്പൊരി നേതാവായ രേവന്ത് റെഡ്ഡി എം.പിയാണ് തെലങ്കാന കോൺഗ്രസ് പ്രസിഡൻറ്. 2019ൽ ഹുസൂർ നഗറിലുണ്ടായ ഉപതെരഞ്ഞെടുപ്പിലെ പരാജയത്തിന് പിന്നാലെ ഉത്തം കുമാർ റെഡ്ഡി രാജിവെച്ച ഒഴിവിലേക്കാണ് രേവന്തിനെ നിയമിക്കുന്നത്.
എല്ലാ വിഭാഗങ്ങൾക്കും പ്രാതിനിധ്യം നൽകിയാണ് പുതിയ കമ്മറ്റിയെ എ.ഐ.സി.സി നിയമിച്ചിരിക്കുന്നത്. മുൻ ഇന്ത്യൻ ക്രിക്കറ്റ് ടീം നായകൻ മുഹമ്മദ് അസ്ഹറുദ്ദീൻ, ഗീത റെഡ്ഡി, അഞ്ജൻ കുമാർ യാദവ്, ടി. ജഗ റെഡ്ഡി, മഹേഷ് കുമാർ ഗൗഡ് എന്നിവരാണ് പുതിയ വർക്കിങ് പ്രസിഡൻറുമാർ. ന്യൂനപക്ഷ വിഭാഗങ്ങൾക്കും പട്ടിക വിഭാഗങ്ങൾക്കും പ്രാതിനിധ്യം ഉറപ്പാക്കാൻ കമ്മിറ്റി ശ്രമിച്ചിട്ടുണ്ട്.
തെലങ്കാനയിൽ ശക്തമായ സ്വാധീനമുള്ള റെഡ്ഡി വിഭാഗത്തിൽ നിന്നുതന്നെ അധ്യക്ഷനെ നിയമിക്കുന്ന പതിവ് ഇക്കുറിയും കോൺഗ്രസ് തെറ്റിച്ചിട്ടില്ല. നിലവിലെ ടി.ആർ.സ് ഭരണത്തിൽ റെഡ്ഡികൾ അസംതൃപ്തരാണെന്ന് നേരത്തെ റിപ്പോർട്ടുകൾ പുറത്തുവന്നിരുന്നു. പുതിയ കമ്മറ്റിയെ രാഹുൽ ഗാന്ധിയുടെ പ്രത്യേക താൽപര്യപ്രകാരമാണ് നിയമിച്ചിരിക്കുന്നത്.
ഒരു കാലത്ത് കോൺഗ്രസിെൻറ ശക്തി കേന്ദ്രമായിരുന്ന തെലുങ്ക് മണ്ണിൽ സംസ്ഥാന വിഭജനത്തിന് ശേഷം അധികാരത്തിലെത്താൻ കോൺഗ്രസിനായിട്ടില്ല. രണ്ടുതവണയായി ടി.ആർ.എസ് ഭരിക്കുന്ന തെലങ്കാനയിൽ കരുത്തുറ്റ പ്രതിപക്ഷമാകാൻ കോൺഗ്രസിന് സാധിച്ചിട്ടില്ല. കഴിഞ്ഞ തവണ 19 സീറ്റിലാണ് കോൺഗ്രസ് വിജയിച്ചത്. എന്നാൽ ഇതിലേറെപ്പേരും ടി.ആർ.എസിലേക്ക് ചേക്കേറിയിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.