മുംബൈ: ഒരു കാലത്ത് ടെലിവിഷൻ സീരിയലുകളിൽ പ്രശസ്തമായ രാമായണത്തിൽ ആര്യ സുമന്ദിന്‍റെ വേഷമിട്ട നടൻ ചന്ദ്രശേഖർ അന്തരിച്ചു. 98 വയസായിരുന്നു. വാർധക്യ സഹജമായ അസുഖം മൂലം ബുധനാഴ്ച രാവിലെ ഏഴ് മണിയോടെയായിരുന്നു അന്ത്യം. സ്വന്തമായി സംവിധാനം നിർവഹിച്ച 'ചാ ചാ ചാ', സുരാംഗ് എന്നീ ചിത്രങ്ങളിലൂടെയും ചന്ദ്രശേഖർ ശ്രദ്ധേയമായി.
''അദ്ദേഹം ആഗ്രഹിച്ചതുപോലെ കുടുംബാംഗങ്ങളുടെ സാന്നിധ്യമത്തിൽ ഉറക്കത്തിലായിരുന്നു അദ്ദേഹത്തിന്‍റെ അന്ത്യം സംഭവിച്ചത്. യാതൊരു വിധ ആരോഗ്യപ്രശ്നങ്ങളുമില്ലായിരുന്നു. മികച്ച ജീവിതമാണ് അദ്ദേഹം ജീവിച്ചത്.'' -ചന്ദ്രശേഖറിന്‍റെ മകൻ ചലച്ചിത്ര നിർമാതാവായ ശേഖർ പറഞ്ഞു. അദ്ദേഹത്തിന്‍റെ അന്ത്യ കർമങ്ങൾ ജുഹു പവാൻസ് ഹൻസ് ക്രമറ്റോറിയത്തിൽ നടക്കുമെന്നും ശേഖർ കൂട്ടിച്ചേർത്തു.
ഹൈദരാബാദിൽ ജനിച്ച ചന്ദ്രശേഖർ 1950കളിൽ ജൂനിയർ ആർട്ടിസ്റ്റ് ആയാണ് ചലച്ചിത്ര ലോകത്തേക്ക് കടന്നു വന്നത്. 1954ൽ വി. ശാന്താറാമിന്‍റെ സുരാംഗ് എന്ന ചിത്രത്തിൽ ആദ്യമായി കേന്ദ്ര കഥാപാത്രത്തെ അവതരിപ്പിച്ചു. തുടർന്ന് കവി, മസ്താന, ബസന്ദ് ബഹാർ കാളി തോപി ലാൽ റുമാൽ, ബർസാത് കി റാത് എന്നീ ചിത്രങ്ങളിലും അദ്ദേഹം പ്രധാന കഥാപത്രങ്ങളെ അവതരിപ്പിച്ചു.
1990കളുടെ ആദ്യകാലം വരെ 250ലേറെ ചിത്രങ്ങളിൽ ചന്ദ്രശേഖർ വേഷമിട്ടിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.