ന്യൂഡൽഹി: വിദേശത്ത് ചികിത്സക്കു പോയ കോൺഗ്രസ് അധ്യക്ഷ സോണിയ ഗാന്ധിയെ തിരിച്ചു കൊണ്ടുവരുന്നതിന് പാർട്ടി ഉപാധ്യക്ഷൻ രാഹുൽ ഗാന്ധി യാത്ര തിരിച്ചു. സോണിയ അമേരിക്കയിൽ ചികിത്സയിലാണെന്നാണ് വിവരം. ഇത് പാർട്ടി ഒൗദ്യോഗികമായി സ്ഥിരീകരിക്കുകയോ നിഷേധിക്കുകയോ ചെയ്തിട്ടില്ല. നിയമസഭാ വോെട്ടടുപ്പ് സമാപിച്ച മാർച്ച് എട്ടിനാണ് സോണിയ ‘ചെക്കപ്പിന്’ വിദേശത്തേക്ക് പോയത്. എന്നാൽ, എന്നത്തേക്ക് തിരിച്ചെത്തുമെന്ന് വ്യക്തമാക്കിയിട്ടില്ല.
മാതാവിനൊപ്പം ഏതാനും ദിവസം ചെലവഴിക്കാനും മടക്കയാത്രയിൽ ഒപ്പം പോരാനുമാണ് രാഹുൽ ഉദ്ദേശിക്കുന്നതെന്ന് കോൺഗ്രസ് വക്താവ് രൺദീപ്സിങ് സുർജേവാല വാർത്താലേഖകരോട് വിശദീകരിച്ചു. ആഗസ്റ്റിൽ വാരാണസിയിൽ നടത്തിയ റോഡ് ഷോയിൽ കുഴഞ്ഞു വീണ ശേഷം പൊതുപരിപാടികളിൽ സോണിയ പെങ്കടുക്കാറില്ല. പാർലമെൻറിൽ ബജറ്റ് സമ്മേളനത്തിൽ പെങ്കടുത്തിരുന്നു. മുസ്ലിംലീഗ് നേതാവ് ഇ. അഹ്മദ് മരണപ്പെട്ട ദിവസം പാതിരാത്രി ഡൽഹി രാംമനോഹർ ലോഹ്യ ആശുപത്രിയിലും എത്തിയിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.