ന്യൂഡൽഹി: പൗരത്വ ഭേദഗതി നിയമത്തിനെതിരെ കോൺഗ്രസ് രാജ്ഘട്ടിൽ സംഘടിപ്പിക്കുന്ന പ്രതിഷേധ ധർണയിലേക്ക് ജനങ്ങളെ സ്വാഗതം ചെയ്ത് രാഹുൽ ഗാന്ധി എം.പി. യുവാക്കളെയും വിദ്യാർഥികളെയും ആണ് രാഹുൽ സ്വാഗതം ചെയ്തിട്ടുള്ളത്.
പ്രിയപ്പട്ടെ വിദ്യാർഥികളെ, യുവാക്കളെ, ഇന്ത്യക്കാരനാണെന്ന് തോന്നിയാൽ പോരാ. ഇതുപോലുള്ള സമയങ്ങളിൽ നിങ്ങൾ ഇന്ത്യക്കാരനാണെന്നും വിദ്വേഷത്താൽ ഇന്ത്യയെ നശിപ്പിക്കാൻ അനുവദിക്കില്ലെന്നും കാണിക്കേണ്ടത് അനിവാര്യമാണെന്നും രാഹുൽ ട്വീറ്റ് ചെയ്തു.
Dear Students & Youth of ,
— Rahul Gandhi (@RahulGandhi) December 23, 2019
It’s not good enough just to feel . At times like these it’s critical to show that you’re & won’t allow to be destroyed by hatred.
Join me today at 3 PM at Raj Ghat, to protest against the hate & violence unleashed on India by Modi-Shah.
രാജ്ഘട്ടിൽ ഉച്ചക്ക് മൂന്നു മുതല് രാത്രി എട്ടു വരെ നടക്കുന്ന കോണ്ഗ്രസ് സത്യഗ്രഹത്തിൽ പാർട്ടി അധ്യക്ഷ സോണിയ ഗാന്ധി, രാഹുല് ഗാന്ധി, പ്രിയങ്ക ഗാന്ധി ഉൾപ്പെടെ മുതിര്ന്ന നേതാക്കൾ പങ്കെടുക്കും.
ഞായറാഴ്ച പ്രഖ്യാപിച്ച പരിപാടി അനുമതി ലഭിക്കാത്തതിനെ തുടർന്ന് തിങ്കളാഴ്ചയിലേക്ക് മാറ്റുകയായിരുന്നു. പ്രതിഷേധ പരിപാടികള് സംഘടിപ്പിക്കാന് സംസ്ഥാന ഘടകങ്ങള്ക്കും കോണ്ഗ്രസ് കോര് കമ്മിറ്റി യോഗം നിര്ദേശം നല്കിയിട്ടുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.