ന്യൂഡൽഹി: ആദിവാസി നിയമവുമായി ബന്ധപ്പെട്ട് നടത്തിയ പരാമർശത്തിൽ കോൺഗ്രസ് അധ്യക്ഷൻ രാഹുൽ ഗാന്ധിക്ക് തെരഞ്ഞെടുപ്പ് കമീഷൻ നോട്ടീസ്. ആദിവാസികളെ വെടിവെച്ചു കൊല്ലാൻ അനുവദിക്കുന്ന പുതിയ നിയമം പ്രധാനമന്ത്രി നരേന്ദ്ര മോദി കൊണ്ടുവന്നുവെന്ന പരാമർശത്തിനെതിരായാണ് നോട്ടീസ്. മധ്യപ്രദേശിലെ തെരഞ്ഞെടുപ്പ് റാലിക്കിെടയായിരുന്നു വിവാദ പരാമർശം.
ആദിവാസികളെ വെടിവെക്കാൻ പൊലീസിനെ അനുവദിക്കുന്ന പുതിയ നിയമം മോദി സർക്കാർ രൂപീകരിച്ചിട്ടുണ്ട്. ആദിവാസികളെ ആക്രമിക്കാമെന്നും അവരുടെ ഭൂമി ഏറ്റെടുക്കാമെന്നും അവരുടെ കാട് കൈയേറാമെന്നും വെള്ളമൂറ്റാമെന്നും ഒടുവിൽ അവരെ വെടിവെച്ചു െകാല്ലാമെന്നും അതിൽ പറയുന്നു - എന്നായിരുന്നു രാഹുലിൻെറ പ്രസംഗം.
ഷാഹ്ദോളിൽ ഏപ്രിൽ 23നാണ് രാഹുൽ പ്രസംഗിച്ചത്. പരാമർശത്തിൽ 48 മണിക്കൂറിനുള്ളിൽ മറുപടി നൽകണമെന്നാണ് നോട്ടീസിൽ ആവശ്യപ്പെട്ടിട്ടുണ്ട്. നോട്ടീസ് സംബന്ധിച്ച് കോൺഗ്രസ് അധ്യക്ഷൻ ഇതുവരെ പ്രതികരിച്ചിട്ടില്ല.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.