ബംഗളൂരു: നിയമസഭ തെരഞ്ഞെടുപ്പ് അടുത്ത കർണാടകയിൽ കോൺഗ്രസ് നേതാവ് രാഹുൽഗാന്ധി മൂന്നുദിവസത്തെ സന്ദർശനം തുടങ്ങി. ഞായറാഴ്ച അദ്ദേഹം വിവിധ പരിപാടികളിൽ പങ്കെടുത്തു. തിങ്കളാഴ്ച ബെളഗാവിയിൽ നടക്കുന്ന കോൺഗ്രസ് യുവജന റാലിയിൽ പങ്കെടുക്കും. ചൊവ്വാഴ്ച തുമകുരു ജില്ലയിൽ നടത്തുന്ന തെരഞ്ഞെടുപ്പ് പ്രചാരണ യോഗത്തിലും പങ്കെടുക്കും. ഹുബ്ബള്ളി വിമാനത്താവളത്തിൽ ഇറങ്ങുന്ന രാഹുൽ റോഡുമാർഗമാണ് ബെളഗാവിയിലെത്തുക.
തിങ്കളാഴ്ച ഉച്ചക്കു ശേഷമാണ് ബെളഗാവിയിൽ ‘യുവക്രാന്തി സമാവേശ’ റാലി നടത്തുന്നത്. വിവിധ നേതാക്കളെയും പ്രവർത്തകരെയും അദ്ദേഹം കാണും. തിങ്കളാഴ്ച തന്നെ അദ്ദേഹം ബംഗളൂരുവിലേക്ക് തിരിക്കും. ചൊവ്വാഴ്ചയാണ് കുനുഗലിൽ നടക്കുന്ന പ്രജ ധ്വനി യാത്രയിൽ പങ്കെടുക്കുക. ഭാരത് ജോഡോ യാത്രക്ക് കർണാടകയിൽ ലഭിച്ച വൻവരവേൽപ്പിന് ശേഷമുള്ള രാഹുലിന്റെ ആദ്യ കർണാടക സന്ദർശനമാണിത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.