കൈ കഴുകുന്ന രീതി വിശദീകരിച്ച്​ പ്രിയങ്കയുടെ വിഡിയോ

കോവിഡ്​ 19 കാലത്ത്​ വ്യക്​തി ശുചിത്വത്തിൻെറ പ്രാധാന്യം വിശദീകരിച്ചുകൊണ്ട്​ കോൺഗ്രസ്​ ജനറൽ സെക്രട്ടറി​ പ് രിയങ്ക ഗാന്ധിയുടെ ബോധവത്​കരണ വിഡിയോ. ട്വിറ്ററിലാണ്​ പ്രിയങ്ക കൈകഴുകുന്ന രീതി ചെയ്​ത്​ കാണിച്ച്​ വിഡിയോ പങ ്കുവെച്ചത്​. ലോകാരോഗ്യ സംഘടന ജനങ്ങളോട്​ നിർദേശിച്ച രീതി പിന്തുടരാനാണ്​​ പ്രിയങ്ക പറയുന്നത്​. വ്യാജ വാർത്ത കളിലും സന്ദേശങ്ങളിലും വീഴരുതെന്നും പരിഭ്രാന്തരാകരുതെന്നും പ്രിയങ്ക പറയുന്നു.

നിങ്ങൾ ഇത്തരം ചെറിയ മുൻകരുതലുകൾ എടുക്കുന്നുണ്ടോ...? ഇത്​ കൊറോണ വൈറസിനെ തടയാൻ നിങ്ങളെ സഹായിക്കും. വൈറസിനെ നമ്മൾ ഒരുമിച്ച്​ നേരിടുമെന്നും വിഡിയോയിൽ പ്രിയങ്ക പറയുന്നു. നമ്മൾക്കെല്ലാവർക്കും ഉത്തരവാദിത്തമുള്ള പൗരൻമാരാകാം. കൊറോണ വൈറസിനെ എങ്ങനെ പരാജയപ്പെടുത്താം എന്ന ബോധവത്​കരണം നടത്തുന്നത്​ ഒരു ദൗത്യമായി നമുക്ക്​ ഏറ്റെടുക്കാം -അവർ കൂട്ടിച്ചേർത്തു.

രാജ്യത്ത്​ ഇതുവരെ 321 കോവിഡ്​ കേസുകളാണ്​ റിപ്പോർട്ട്​ ചെയ്തത്. നാല്​ മരണങ്ങളും സംഭവിച്ചു. ലോകത്താകമാനമായി 10,000ത്തോളം പേർ രോഗം ബാധിച്ച്​ മരിച്ചു. 2.3 ലക്ഷം പേർക്ക്​ രോഗം സ്ഥിരീകരിച്ചിട്ടുമുണ്ട്​. കൊറോണയെ തടയാൻ അതിർത്തികളടച്ചിട്ടും വിമാനങ്ങൾ ലാൻഡ്​ ചെയ്യുന്നത്​ തടഞ്ഞും ഇന്ത്യ വലിയ മുൻകരുതലുകളാണ്​ എടുക്കുന്നത്​. കേരളത്തിൽ വിദേശത്ത്​ നിന്ന്​ വന്നവരിൽ നിരവധിപേർക്ക്​ രോഗം സ്ഥിരീകരിച്ചതിനാൽ വരും ദിവസങ്ങളിൽ നിർദേശങ്ങൾ കർശനമാക്കിയേക്കും.