ആരോഗ്യ സേതു സ്വകാര്യത​ ചൂഴ്​ന്നെടുക്കുന്നു​വോ?

ന്യൂഡൽഹി: കോവിഡ്​ 19​​​​െൻറ സാഹചര്യത്തിൽ കേന്ദ്രസർക്കാർ പുറത്തിറക്കിയ ‘ആ​േരാഗ്യ സേതു’ ആപ്ലിക്കേഷൻ സ്വകാര്യത ചോദ്യചിഹ്​നമാക്കുന്നുവെന്ന വിലയിരുത്തൽ ​വ്യാപകമായിരുന്നു. നിലവിൽ രാജ്യത്തെ  എല്ലാ സർക്കാർ -സ്വകാര്യ സ്​ഥാപനങ്ങളിലെയും ജീവനക്കാർക്ക്​ ആരോഗ്യ സേതു ആപ്​ നിർബന്ധമാക്കി കേന്ദ്രസർക്കാർ ഉത്തരവിട്ടിരുന്നു. 

ഫോണുകളിൽ മേയ്​ നാലുമുതൽ ആരോഗ്യസേതു ആപ്പ്​ ഉണ്ടായിരിക്കണ​െമന്നാണ്​ കേന്ദ്ര ആഭ്യന്തര മന്ത്രാലയത്തി​​​​െൻറ നിർദേശം. ഏതെങ്കിലും ജീവനക്കാരുടെ ഫോണിൽ ആപ്​ ഇല്ലെന്ന്​ ക​ണ്ടെത്തിയാൽ അതി​​​​െൻറ ഉത്തരവാദിത്തം കമ്പനി മേധാവിക്കായിരിക്കുമെന്നും മന്ത്രാലയം വ്യക്തമാക്കിയിരുന്നു. നേരത്തേ, ഭക്ഷണം ഡെലിവറി ചെയ്യുന്നവർക്കും ​വിവിധ സേവനങ്ങൾ നൽകുന്നവർക്കും ആരോഗ്യ സേതു നിർബന്ധമാക്കിയിരുന്നു. 

ആരോഗ്യ സേതു ആപ്​ സുതാര്യത, ഉത്തരവാദിത്തം തുടങ്ങിയ തത്വങ്ങൾ പാലിക്കുന്നില്ലെന്നും സ്വകാര്യത ചൂഴ്​ന്നെടുക്കുന്നുവെന്നും ഡിജിറ്റൽ റൈറ്റ്​സ്​ ഓർഗനൈസേഷൻ ഇൻറർനെറ്റ്​ ഫ്രീഡം ഫൗണ്ടേഷൻ പറയുന്നു. 

ആരോഗ്യ സേതു ആപ്​ ജനങ്ങളുടെ സ്വകാര്യതയിലേക്ക്​ കടന്നുകയറുന്നതെന്നാണ്​ വിദഗ്​ധരുടെ അഭിപ്രായം. ​സാധാരണയായ കോവിഡ്​ രോഗികൾ കൂടുതലുള്ള സ്​ഥലങ്ങൾ അടയാളപ്പെടുത്തുന്നതിനും ​അവരുടെ ആരോഗ്യ, യാത്ര വിവരങ്ങൾ ലഭ്യമാക്കുന്നതിനുമാണ്​ ആരോഗ്യ സേതു ആപ്​ ഉപയോഗിക്കുന്നത്​. മറ്റു രാജ്യങ്ങളിലെ കോൺടാക്​ട്​ ട്രേസിങ്​ ആപുകൾ അപേക്ഷിച്ച്​ ഇതിന്​ നിലവാരം കുറവാണെന്നും പറയപ്പെടുന്നു. എന്നാൽ ബ്ലൂടുത്തും ജി.പി.എസും ഉപയോഗിച്ച്​ ഉപയോക്താക്കളുടെ ഫോൺ കോൺടാക്​ടുകളും ലൊക്കേഷനും അടക്കം തിരിച്ചറിയുന്നതിനും ആപ്​ വഴി സാധിക്കുമെന്നും പറയപ്പെടുന്നു. എന്നാൽ പുതിയ ഹോട്​സ്​പോട്ടുകൾ കണ്ടെത്തുന്നതിനാണ്​ ലൊക്കേഷൻ വിവിരങ്ങൾ ഉപയോഗപ്പെടുത്തുന്നതെന്ന്​ നീതി ആയോഗ്​ പറയുന്നു. 

അതേസമയം, ആരോഗ്യ സേതു ആപിനെതിരെ കോൺഗ്രസ്​ നേതാവ്​ രാഹുൽ ഗാന്ധി രംഗത്തെത്തി. ആരോഗ്യ സേതു വിവരങ്ങളുടെ  സുരക്ഷ, സ്വകാര്യത എന്നിവയിൽ ആശങ്ക ഉയർത്തുന്നു. സ്വകാര്യ ഏജൻസിക്കാണ്​ ആരോഗ്യ സേതു ആപി​​െൻറ നടത്തിപ്പു ചുമതല. പൗരന്മാരുടെ അനുമതിയില്ലാതെ വിവരശേഖരണം നടത്തുന്ന രീതി ഭയാനകമാണെന്നും രാഹുൽ ഗാന്ധി കുറ്റപ്പെടുത്തി.