ചെന്നൈ: പ്രധാനമന്ത്രി നരേന്ദ്രമോദി തങ്ങൾക്കൊപ്പമുള്ളപ്പോൾ ആർക്കും എ.െഎ.എ.ഡി.എം.കെയെ തകർക്കാനാവില്ലെന്ന് തമിഴ്നാട് മന്ത്രി ടി.കെ രാജേന്ദ്ര ബാലാജി. എടപാടി പളനിസ്വാമി വിഭാഗത്തിന് രണ്ടില ചിഹ്നം ലഭിക്കുമെന്ന കാര്യത്തിൽ സംശയമില്ലെന്നും അദ്ദേഹം പറഞ്ഞു.
ഡി.എം.കെ ഉൾപ്പടെ ആർക്കും പാർട്ടിയെ എതിർക്കാൻ സാധിക്കില്ല. പാർട്ടി ജനറൽ കൗൺസിലിലെ 92 ശതമാനം അംഗങ്ങളും തങ്ങളെയാണ് പിന്തുണക്കുന്നതെന്നും രാജേന്ദ്രൻ അവകാശപ്പെട്ടു.
കഴിഞ്ഞ മാർച്ച് 23നാണ് തെരഞ്ഞെടുപ്പ് കമീഷൻ രണ്ടില ചിഹ്നം മരവിപ്പിച്ചത്. പന്നീർശെൽവം വിഭാഗവും ശശികല വിഭാഗവുമാണ് രണ്ടില ചിഹ്നത്തിനായി അവകാശവാദം ഉന്നയിച്ചത്. പിന്നീട് ശശികല വിഭാഗവുമായി തെറ്റിയ പളനിസ്വാമി, പന്നീർശെൽവം വിഭാഗവുമായി ചേരുകയായിരുന്നു. നിലവിൽ പാർട്ടിയിലെ മേധാവിത്വത്തിന് വേണ്ടി എടപ്പാടി–ശശികല വിഭാഗങ്ങൾ രംഗത്തുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.