ന്യൂഡൽഹി: ലോക വനിതാ ദിനത്തിൽ ഏഴ് വനിതകൾക്കായി പ്രധാനമന്ത്രി നരേന്ദ്ര മോദി തെൻറ സാമൂഹിക മാധ്യമ അക്കൗണ്ട ുകൾ ഒഴിഞ്ഞ് കൊടുത്തു. വനിതകൾക്കായി ഒരു ദിവസം അക്കൗണ്ടുകൾ വിട്ടു നൽകുന്നതായി ഞായറാഴ്ച രാവിലെയാണ് ട്വീറ്റ് ചെയ്തത്. തുടർന്ന് ഫുഡ് ബാങ്ക് ഇന്ത്യ സംവിധാനത്തിെൻറ സ്ഥാപക സ്നേഹ മോഹൻദോസിെൻറ ട്വീറ്റാണ് പ്രധാനമന്ത്രിയുടെ ഔദ്യോഗിക അക്കൗണ്ടിൽ വന്നത്.
മറ്റുള്ളവർക്ക് പ്രേചാദനമാകുന്ന വനിതകളുടെ കഥകളും ജീവിതാനുഭവവുമാണ് ഇന്ന് പ്രധാനമന്ത്രിയുടെ സാമൂഹിക മാധ്യമ അക്കൗണ്ടുകളിലൂടെ പങ്കുവെക്കുക. ഇതിനായി പ്രത്യേക ഹാഷ്ടാഗിൽ ദിവസങ്ങളായി പ്രചരണം നടന്നിരുന്നു.
Greetings on International Women’s Day! We salute the spirit and accomplishments of our Nari Shakti.
— Narendra Modi (@narendramodi) March 8, 2020
As I’d said a few days ago, I’m signing off. Through the day, seven women achievers will share their life journeys and perhaps interact with you through my social media accounts.
കഴിഞ്ഞ തിങ്കളാഴ്ചയാണ് പ്രധാനമന്ത്രിയുടെ ട്വിറ്റർ അക്കൗണ്ടിലൂടെ എല്ലാവരെയും അദ്ഭുതപ്പെടുത്തുന്ന പ്രഖ്യാപനം വന്നത്. അടുത്ത ഞായറാഴ്ചയോടെ സാമൂഹിക മാധ്യമ അക്കൗണ്ടുകൾ ഉപേക്ഷിക്കുന്നുവെന്നായിരുന്നു ആ ട്വീറ്റ്. ട്വിറ്ററിൽ മാത്രം 5.3 കോടിയോളം ആളുകൾ പിന്തുടരുന്ന മോദിയുടെ തീരുമാനത്തിെൻറ കാരണം ട്വീറ്റിലുണ്ടായിരുന്നില്ല.
വനിതാ ദിനത്തിൽ സാമൂഹിക മാധ്യമ അക്കൗണ്ടുകൾ വനിതകൾക്കായി വിട്ടു നൽകുമെന്ന് പറഞ്ഞ് അടുത്ത ദിവസം മോദിയുടെ മറ്റൊരു ട്വീറ്റെത്തി. എന്നാൽ, ആദ്യ ട്വീറ്റിനെ സംബന്ധിച്ച് പിന്നീടൊന്നും പറഞ്ഞില്ല. ആദ്യ ട്വീറ്റിലെ ഞായറാഴ്ചയും രണ്ടാമത്തെ ട്വീറ്റിലെ വനിതാ ദിനവും ഒന്നു തന്നെ ആയതിനാൽ തെറ്റുപറ്റിയതാകാമെന്ന് കരുതുന്നവരാണേറെയും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.