വകുപ്പുകൾ ഗുരുതരം: കന്യാസ്ത്രീകളുടെ ജാമ്യാപേക്ഷ സെ​ഷ​ന്‍​സ് കോ​ട​തി പ​രി​ഗ​ണി​ച്ചി​ല്ല; ജയിൽവാസം തുടരും

ന്യൂ​ഡ​ൽ​ഹി: മ​നു​ഷ്യ​ക്ക​ട​ത്തും മ​ത​പ​രി​വ​ർ​ത്ത​ന​വും ആ​രോ​പി​ച്ച് ജ​യി​ലി​ല​ട​ച്ച ര​ണ്ടു മ​ല​യാ​ളി ക​ന്യാ​സ്‍ത്രീ​ക​ളു​ടെ ജാ​മ്യാ​പേ​ക്ഷ സാ​ങ്കേ​തി​ക​ത്വം പ​റ​ഞ്ഞ് ഛത്തി​സ്ഗ​ഢി​ലെ ര​ണ്ടാ​മ​ത്തെ കോ​ട​തി​യും ത​ള്ളി. അ​ന്ത​ർ​സം​സ്ഥാ​ന മ​നു​ഷ്യ​ക്ക​ട​ത്തും മ​ത​പ​രി​വ​ർ​ത്ത​ന​വും അ​ട​ക്ക​മു​ള്ള കു​റ്റ​കൃ​ത്യ​ങ്ങ​ൾ പ​രി​ഗ​ണി​ക്കേ​ണ്ട​ത് എ​ൻ.​ഐ.​എ കോ​ട​തി​യാ​യ​തി​നാ​ൽ ജാ​മ്യാ​പേ​ക്ഷ പ​രി​ഗ​ണി​ക്കാ​നാ​വി​ല്ലെ​ന്ന് വ്യ​ക്ത​മാ​ക്കി​യാ​ണ് ദു​ർ​ഗ് സെ​ഷ​ൻ​സ് കോ​ട​തി ജാ​മ്യാ​​പേ​ക്ഷ ത​ള്ളി​യ​ത്. അ​തേ​സ​മ​യം, ഛത്തി​സ്ഗ​ഢ് സ​ർ​ക്കാ​ർ കേ​സെ​ടു​ത്ത​തി​ൽ തെ​റ്റി​ല്ലെ​ന്ന് വ്യ​ക്ത​മാ​ക്കി​യ കേ​ന്ദ്ര ആ​ഭ്യ​ന്ത​ര മ​ന്ത്രി അ​മി​ത് ഷാ ​ജാ​മ്യം ല​ഭ്യ​മാ​ക്കു​മെ​ന്ന് കേ​ര​ള​ത്തി​ൽ​നി​ന്നു​ള്ള യു.​ഡി.​എ​ഫ് എം.​പി​മാ​രെ അ​റി​യി​ച്ചു.

ജാ​മ്യ​ത്തി​നാ​യി പ്രീ​തി​മേ​രി, വ​ന്ദ​ന ഫ്രാ​ൻ​സി​സ് എ​ന്നീ ക​ന്യാ​സ്ത്രീ​ക​ൾ പ്ര​ത്യേ​ക കോ​ട​തി​യെ സ​മീ​പി​ക്ക​ണ​മെ​ന്ന് ദ​ുർ​ഗ് സെ​ഷ​ൻ​സ് കോ​ട​തി ഉ​ത്ത​ര​വി​ൽ ചൂ​ണ്ടി​ക്കാ​ട്ടി. ഇ​വ​ർ ചെ​യ്തി​രി​ക്കു​ന്ന​ത് 7-10 വ​ർ​ഷം മു​ത​ൽ ജീ​വ​പ​ര്യ​ന്തം വ​രെ ത​ട​വ് വി​ധി​ക്കാ​വു​ന്ന കു​റ്റ​കൃ​ത്യ​ങ്ങ​ൾ ആ​ണെ​ന്നും ജാ​മ്യം ന​ൽ​കി​യാ​ൽ മ​ത​പ​രി​വ​ർ​ത്ത​ന കേ​സ​ന്വേ​ഷ​ണ​ത്തെ ദോ​ഷ​ക​ര​മാ​യി ബാ​ധി​ക്കു​മെ​ന്നും പ്രോ​സി​ക്യൂ​ഷ​ൻ ബോ​ധി​പ്പി​ച്ചു​വെ​ന്ന് ഉ​ത്ത​ര​വി​ലു​ണ്ട്. ഈ ​കു​റ്റ​കൃ​ത്യ​ങ്ങ​ൾ പ​രി​ഗ​ണി​ക്കേ​ണ്ട കോ​ട​തി സെ​ക്ഷ​ൻ കോ​ട​തി അ​ല്ലാ​ത്ത​തി​നാ​ൽ ഉ​ചി​ത​മാ​യ കോ​ട​തി​യെ സ​മീ​പി​ക്കാ​ൻ നി​ർ​ദേ​ശം ന​ൽ​കി ജാ​മ്യാ​പേ​ക്ഷ ത​ള്ളു​ക​യാ​ണ് ദ​ുർ​ഗ് സെ​ഷ​ൻ​സ് കോ​ട​തി ചെ​യ്ത​ത്.

അ​തി​നി​ടെ ഛത്തീ​സ്ഗ​ഢി​ൽ​നി​ന്ന് മ​ട​ങ്ങി​വ​ന്ന യു.​ഡി.​എ​ഫ് എം.​പി​മാ​രാ​യ എ​ൻ.​കെ. പ്രേ​മ​ച​ന്ദ്ര​ൻ, ബെ​ന്നി ബ​ഹ​നാ​ൻ, ഫ്രാ​ൻ​സി​സ് ജോ​ർ​ജ് എ​ന്നി​വ​ർ കേ​ന്ദ്ര ആ​ഭ്യ​ന്ത​ര​മ​ന്ത്രി അ​മി​ത് ഷാ​യെ ക​ണ്ടു വി​ഷ​യ​ത്തി​ൽ അ​ടി​യ​ന്ത​ര​മാ​യി ഇ​ട​പെ​ട​ണ​മെ​ന്ന് ആ​വ​ശ്യ​പ്പെ​ട്ടു. പ്ര​ധാ​ന​മ​ന്ത്രി​യു​ടെ നി​ർ​ദേ​ശ​പ്ര​കാ​രം ഇ​തി​ന​കം ഇ​ട​പെ​ട്ടു ക​ഴി​ഞ്ഞു​വെ​ന്നും ര​ണ്ടു ക​ന്യാ​സ്ത്രീ​ക​ൾ​ക്കും ജാ​മ്യം ന​ൽ​കു​ന്ന കാ​ര്യ​ത്തി​ല​ട​ക്കം അ​നു​കൂ​ല​മാ​യ സ​മീ​പ​നം സ്വീ​ക​രി​ക്കു​മെ​ന്നും അ​മി​ത് ഷാ ​ഉ​റ​പ്പു ന​ൽ​കി. എ​ന്നാ​ൽ, മ​ത​പ​രി​വ​ർ​ത്ത​നം ഛത്തി​സ്ഗ​ഢി​ലെ വ​ലി​യൊ​രു വി​ഷ​യ​മാ​ണെ​ന്നും അ​താ​ർ​ക്കും നി​ഷേ​ധി​ക്കാ​ൻ ആ​വി​ല്ലെ​ന്നും ഇ​ക്കാ​ര്യ​ത്തി​ൽ സം​സ്ഥാ​ന സ​ർ​ക്കാ​റി​നെ വി​മ​ർ​ശി​ക്കാ​ൻ ആ​വി​ല്ലെ​ന്നും അ​മി​ത് ഷാ ​എം.​പി​മാ​രോ​ട് പ​റ​ഞ്ഞു.

അ​മി​ത് ഷാ​യു​ടെ കൂ​ടി​ക്കാ​ഴ്ച​ക്കു ശേ​ഷം ദ​ുർ​ഗ് സെ​ഷ​ൻ​സ് കോ​ട​തി വി​ധി വ​ന്ന പ​ശ്ചാ​ത്ത​ല​ത്തി​ൽ വീ​ണ്ടു​മൊ​രി​ക്ക​ൽ​ക്കൂ​ടി എ​ൻ.​കെ. പ്രേ​മ​ച​ന്ദ്ര​ൻ അ​മി​ത് ഷാ​യു​മാ​യി കൂ​ടി​ക്കാ​ഴ്ച ന​ട​ത്തി. പ്ര​ധാ​ന​മ​ന്ത്രി​ക്ക് കേ​ര​ള എം.​പി​മാ​ർ സ​മ​ർ​പ്പി​ച്ച നി​വേ​ദ​ന​ങ്ങ​ളു​ടെ അ​ടി​സ്ഥാ​ന​ത്തി​ൽ വ്യാ​ഴാ​ഴ്ച ഉ​ച്ച​ക്ക് 12ന് ​കേ​ര​ള എം.​പി​മാ​രു​ടെ യോ​ഗം വി​ളി​ക്കാ​ൻ പ്ര​ധാ​ന​മ​ന്ത്രി നി​ർ​ദേ​ശി​ച്ചി​ട്ടു​ണ്ടെ​ന്ന് അ​മി​ത് ഷാ ​അ​റി​യി​ച്ചു. വീ​ണ്ടും ഛത്തി​സ്ഗ​ഢ് സ​ർ​ക്കാ​റു​മാ​യി ബ​ന്ധ​പ്പെ​ട്ട് ക​ന്യാ​സ്ത്രീ​ക​ളു​ടെ ജാ​മ്യം ഉ​റ​പ്പു​വ​രു​ത്താ​ൻ ന​ട​പ​ടി​ക​ൾ കൈ​ക്കൊ​ള്ള​ണ​മെ​ന്ന് നി​ർ​ദേ​ശി​ച്ച​താ​യി അ​മി​ത് ഷാ ​വ്യ​ക്ത​മാ​ക്കി.