ന്യൂഡൽഹി: ഐ.പി.എല്ലോ മറ്റ് കായിക മൽസരങ്ങളോ ഡൽഹിയിൽ നടത്തില്ലെന്ന് ഉപമുഖ്യമന്ത്രി മനീഷ് സിസോദിയ. കോവിഡ ് 19 വൈറസ് ബാധയെ തുടർന്നാണ് ഡൽഹി സർക്കാറിൻെറ തീരുമാനം. വൈറസ് പടർന്നു പിടിക്കുന്നത് ഒഴിവാക്കാൻ ഇതു മാത്രമാണ് പോംവഴിയെന്നും ഡൽഹി സർക്കാർ വ്യക്തമാക്കുന്നു.
200 ആളുകളിൽ കൂടുതൽ പങ്കെടുക്കുന്ന പരിപാടികൾക്കാണ് നിയന്ത്രണം ഏർപ്പെടുത്തിയിരിക്കുന്നത്. നേരത്തെ വൈറസ് ബാധയുടെ പശ്ചാത്തലത്തിൽ ഡൽഹിയിലെ സ്കൂളുകൾ, കോളജുകൾ, സിനിമ തിയേറ്ററുകൾ എന്നിവ മാർച്ച് 31 വരെ അടച്ചിടാൻ മുഖ്യമന്ത്രി അരവിന്ദ് കെജ്രിവാൾ ഉത്തരവിട്ടിരുന്നു.
ഡൽഹിയിൽ ഏഴ് പേർക്ക് ഇതുവരെ കോവിഡ് 19 സ്ഥിരീകരിച്ചിട്ടുണ്ട്. രാജ്യത്ത് ഇതുവരെ ഏകദേശം 73 പേർക്ക് കോവിഡ് 19 ബാധിച്ചിട്ടുണ്ടെന്നാണ് കണക്കുകൾ. കർണാടകയിൽ ആദ്യ കോവിഡ് മരണം സ്ഥിരീകരിക്കുകയും ചെയ്തിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.