ജയലളിതയുടെ മരണത്തിന്​ കാരണം അണുബാധയും ഹൃദായാഘാതവും

ചെന്നൈ: തമിഴ്​നാട്​ മുൻ മുഖ്യമന്ത്രി ജയലളിതയുടെ മരണം അണുബാധയും തുടർന്നുണ്ടായ ഹൃദയാഘാതവും മൂലമെന്ന്​  ചികിത്​സിച്ച ഡോക്​ടർമാരുടെ വെളി​െപ്പടുത്തൽ. രക്​തത്തിലുണ്ടായ അണുബാധയെ തുടർന്ന്​ ചികിത്​സ തേടിയ ജയലളിത ആരോഗ്യം വീണ്ടെടുക്കുന്നതിനിടെ അപ്രതീക്ഷിതമായി ഹൃദയാഘാതം ഉണ്ടാവുകയായിരുന്നുവെന്ന്​ അപ്പോളോ ആശുപത്രിയിൽ അവ​െ​ര ചികിത്​സിച്ച ലണ്ടനിൽ നിന്നുളള ഡോ.റിച്ചാർഡ്​ ബേൽ വാർത്താസമ്മേളനത്തിൽ അറിയിച്ചു.  
 
ജയലളിതയുടെ മരണത്തെ കുറിച്ചുള്ള ദുരൂഹത നീക്കാൻ സർക്കാറി​​െൻറ ആവശ്യപ്രകാരമാണ്​​ വാർത്താസമ്മേളനം വിളിച്ചതെന്ന്​ ഡോ. ബേൽ പറഞ്ഞു.  

ജയലളിതക്ക്​​ രക്​തത്തിൽ ബാക്​ടീരിയയുടെ അണുബാധയുണ്ടായിരുന്നു. ശ്വാസ തടസം അനുഭവ​െപ്പട്ടിരുന്നു. പ്രമേഹം, മൂത്ര സംബന്ധിയായ രോഗങ്ങൾ, നിർജ്ജലീകരണം എന്നിവ കൂടാതെ ചില അവയവങ്ങൾക്ക്​ തകരാറുകളും ഉണ്ടായിരുന്നു. കൂടിയ രക്​തസമ്മർദ്ദം അവരുടെ അവസ്​ഥ മോശമാക്കിയെന്നും ഡോ. ബേൽ പറഞ്ഞു.

രക്​തദൂഷണവുമായാണ്​ അവർ ആശുപത്രിയിൽ ആദ്യമായെത്തുന്നത്​. അപ്പോൾ അവർക്ക്​ നല്ല ബോധമുണ്ടായിരുന്നു. ചികിത്​സയോട്​ പ്രതികരിച്ചിരുന്നു. അവരെ സാധാരണ നിലയിലേക്ക്​ കൊണ്ടുവരികയായിരുന്നു ആദ്യം ചെയ്​തത്​. മരുന്നുപയോഗിച്ച്​ മുഖത്തെ ചില പാടുകൾ മായ്​ച്ചിട്ടുണ്ടെങ്കിലും അവയവമാറ്റം നടത്തിയി​ട്ടില്ലെന്നും ഡോ. ബേൽ പറഞ്ഞു.

ജയലളിതയുടെ ആരോഗ്യ വിവരങ്ങൾ അ​പ്പപ്പോൾ ശശികല, മുഖ്യമന്ത്രി, സെക്രട്ടറിമാർ, മറ്റു മന്ത്രിമാർ എന്നിവരെ അറിയിക്കാറുണ്ട്​. ജയലളിത കാണാൻ ആഗ്രഹിച്ചവ​െ​ര മാത്രമേ അവരുടെ അടുത്തേക്ക്​ കയറ്റി വിട്ടിട്ടുള്ളൂവെന്നും അപ്പോളോ ആശുപത്രി അധികൃതർ വിശദീകരിച്ചു.

ആരോഗ്യം വീണ്ടെടുക്കുന്നതിനിടെ പെ​െട്ടന്ന്​ പിന്നെയും അവസ്​ഥ മോശമാവുകയായിരുന്നു. കിടക്കയിൽ നിന്നെഴുന്നേറ്റ്​ ഒന്നു രണ്ട്​ സ്​റ്റെപ്പ്​ നടക്കാൻ തുടങ്ങുന്നതിനിടെയാണ്​ ഹൃദയാഘാതം ഉണ്ടായത്​. ലണ്ടനിലേക്ക്​ മാറ്റുന്നതിനെ കുറിച്ച്​ ചർച്ച വന്നെങ്കിലും അത്​ അപകടം വർധിപ്പിക്കുമെന്നതിനാലും ജയലളിത രാജ്യം വിടാൻ ആഗ്രഹിച്ചില്ല എന്നതിനാലും ഉപേക്ഷിക്കുകയായിരുന്നെന്ന്​ ഡോ. ബേൽ പറഞ്ഞു. ഹൃദയാഘാതം വന്നതിനെ തുടർന്ന്​ അവർക്ക്​ ജീവൻ രക്ഷാ ഉപകരണമായ EGMO ഘടിപ്പിച്ചു. എന്നാൽ 24 മണിക്കൂറിനു ശേഷവും ഹൃദയം പ്രവർത്തിച്ചില്ല. എല്ലാ ഡോക്​ടർമാരെയും വിവിരം അറിയിച്ചു. ബന്ധപ്പെട്ടവരേയും. ഇതല്ലാതെ അപ്പോളോ ആശുപത്രിയിൽ ഒരു ഗൂഢാലോചനയും നടന്നിട്ടില്ലെന്നും തങ്ങളുടെ കഴിവി​​െൻറ പരമാവധി ശ്രമിച്ചിട്ടുണ്ടെന്നും ഡോ.ബേൽ അറിയിച്ചു.

ജയയുടെ മരണത്തെ തുടർന്നുണ്ടായ രാഷ്​ട്രീയ സമ്മർദ്ദത്തെ കുറിച്ച്​ ചോദിച്ചപ്പോൾ തങ്ങൾ ഡോക്​ടർമാരാണ്​ ​നയതന്ത്രജ്​ഞരല്ലെന്നും ചികിത്​സ സംബന്ധിച്ച ചോദ്യങ്ങൾ മാത്രം മതിയെന്നും അവർ പ്രതികരിച്ചു.