ന്യൂഡൽഹി: ഇന്ത്യയിൽ 24 മണിക്കൂറിനുള്ളിൽ 34,884 പേർക്ക് കോവിഡ് സ്ഥിരീകരിക്കുകയും 671 പേർ മരിക്കുകയും ചെയ്തു. ഇതോടെ രാജ്യത്ത് ആകെ കോവിഡ് സ്ഥിരീകരിച്ചവരുടെ എണ്ണം ശനിയാഴ്ചയോടെ 10,38,716 ആയി ഉയർന്നു. കേന്ദ്ര ആരോഗ്യ കുടുംബക്ഷേമ മന്ത്രാലയം പുറത്തു വിട്ട കണക്കാണിത്.
3,58,692 പേർ നിലവിൽ ചികിത്സയിലാണ്. 6,53,751 പേർ രോഗമുക്തരായി. 26,273 പേരാണ് കോവിഡ് ബാധിച്ച് മരിച്ചത്. കോവിഡ് ഏറ്റവും രൂക്ഷമായി ബാധിച്ച മഹാരാഷ്ട്രയിൽ 2,92,589 പേർക്കാണ് കോവിഡ് ബാധിച്ചത്. ഇതിൽ 11,452 പേർ മരിച്ചു.
മഹാരാഷ്ട്രക്കു പിന്നാലെ കോവിഡ് രൂക്ഷമായി ബാധിച്ച തമിഴ്നാട്ടിൽ 1,60,907 പേർക്കാണ് ഇതുവരെ കോവിഡ് സ്ഥിരീകരിച്ചത്. ഇതിൽ 2,315 പേർ മരിച്ചു. ഡൽഹിയിൽ റിപ്പോർട്ട് ചെയ്ത 1,20,107 കോവിഡ് കേസുകളിൽ 3571 പേരാണ് മരണത്തിന് കീഴടങ്ങിയത്.
വെള്ളിയാഴ്ച വരെ 1,34,33,742 സാമ്പിളുകൾ പരിശോധിച്ചു. വെള്ളിയാഴ്ച മാത്രം 3,61,024 സാമ്പിളുകളാണ് പരിശോധിച്ചതെന്ന് ഇന്ത്യൻ കൗൺസിൽ ഓഫ് മെഡിക്കൽ റിസർച്ച് (ഐ.സി.എം.ആർ) അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.