നാസിക്: നോട്ട് നിരോധനം മൂലം ബുദ്ധിമുട്ടുന്ന ജനങ്ങൾക്ക് ആശ്വാസമായി അച്ചടിച്ചു കഴിഞ്ഞ അഞ്ച് മില്യൺ പുതിയ 500 രൂപ നോട്ടുകൾ റിസർവ് ബാങ്കിലെത്തി.ശനിയാഴ്ചയാണ് നാസികിലെ സെക്യൂരിറ്റി പ്രസ് പണം റിസർവ് ബാങ്കിന് കൈമാറിയത്. നേരത്തെ 500 രൂപയുടെ പുതിയ അഞ്ച് മില്യൺ നോട്ടുകൾ സെക്യൂരിറ്റി പ്രസ് റിസർവ് ബാങ്കിന് കൈമാറിയിരുന്നു. ഇതോടുകൂടി 10 മില്യൺ 500 രൂപ നോട്ടുകൾ റിസർവ് ബാങ്കിലെത്തിയിട്ടുണ്ട്.റിസർവ് ബാങ്കിൽ നിന്ന് മറ്റു ബാങ്കുകളിലേക്ക് ഇവ വൈകാതെ എത്തുമെന്നാണ് പ്രതീക്ഷിക്കുന്നത്. നോട്ടു ക്ഷാമത്തിന് ഒരു പരിധിവരെയെങ്കിലും പരിഹാരം കാണാൻ ഇത് സഹായിക്കുമെന്നാണ് കരുതുന്നത്.
നാസിക്കിലെ സെക്യരിറ്റി പ്രസിൽ 20,50,100 രൂപയുടെ നോട്ടുകൾ കൂടുതലായി പ്രിൻറ് ചെയ്യാൻ ആരംഭിച്ചതായും അധികൃതർ അറിയിച്ചു. ചൊവ്വാഴ്ചയാണ് നോട്ടുകൾ പിൻവലിച്ചുകൊണ്ടുള്ള തീരുമാനം പ്രധാനമന്ത്രി നരേന്ദ്രമോദി പ്രഖ്യാപിച്ചത്. ഇതുമൂലം രാജ്യത്ത് നോട്ടുകളുടെ ക്ഷാമം വൻതോതിൽ അനുഭവപ്പെടുകയായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.