'അമ്മേ, ഞങ്ങൾ താഴെ കാത്തിരിപ്പുണ്ട്​'- കോവിഡ്​ വാർഡിനുപുറത്തിരുന്ന്​ കുരുന്നുമക്കൾ എഴുതിയ ഈ കുറിപ്പ്​ കാണണം

ന്യൂഡൽഹി: കോവിഡ്​ ബാധിച്ച്​ പ്രിയപ്പെട്ട മാതാവ്​ ആശുപത്രിയിൽ കിടക്കു​േമ്പാൾ പുറത്ത്​ കാവലും കരുതലുമായി പ്രാർഥനയോടെ ഇരുന്ന കുരുന്നുമക്കൾ സ്വന്തം കൈപ്പടയിൽ എഴുതി കൊടുത്തയച്ച കുറിപ്പ്​ മഹാമാരിയുടെ വേദനകൾക്കിടിയിൽ സ​്​നേഹക്കണ്ണീരാകുന്നു. അമ്മക്ക്​ ഇപ്പോൾ സുഖമുണ്ടെന്നും എല്ലാം ശമിച്ച് ആശുപത്രി വിടുംവരെ പുറത്ത്​ കാത്തിരിക്കുകയാണെന്നും

പറയുന്ന കുരുന്നുകൾ അമ്മയെ ഞങ്ങൾ തന്നെ കൊണ്ടുപോകുമെന്നും ആശങ്ക വേണ്ടെന്നും കുറിപ്പിൽ പറയുന്നു. ബുൽബുൽ, മുൻമുൻ, ഗുഡിയ, വികാസ്​ എന്നീ നാലു മക്കളും കുറിപ്പിനു താഴെ ഒപ്പുവെച്ചിട്ടുണ്ട്​.

കുഞ്ഞുങ്ങളായതിനാൽ ഇവർക്ക്​ ആരാകും കത്തെഴുതി നൽകിയതെന്ന്​ അറിയില്ലെങ്കിലും അതിവേഗമാണ്​ ഇത്​ വൈറലായത്​. കുടുംബത്തിലെ ആരോ ആകാം ഈ കത്തിലെ വരികൾക്കു പിന്നിലെന്നാണ്​ സൂചന. മാധ്യമ പ്രവർത്തകൻ സൗരഭ്​ ത്രിപാഠിയാണ്​ ആദ്യമായി കത്ത്​ പങ്കുവെച്ചത്​.

കോവിഡ്​ വ്യാപനം രൂക്ഷമായി തുടരുന്ന രാജ്യത്ത്​ രോഗികൾക്ക്​ ആശ്വാസമായി കുരുന്നുകൾ സമാനമായി മുമ്പും കത്തെഴുതിയത്​ മാധ്യമങ്ങളിൽ വാർത്തയായിരുന്നു.