'മോദിയുടെ പ്രിയപ്പെട്ട ഏജൻസിയിൽനിന്ന്​ ഒരു പ്രണയലേഖനം ലഭിച്ചു'-ആം ആദ്​മി പാർട്ടി

ന്യൂഡൽഹി: എൻഫോഴ്​സ്​മെൻറ്​ ഡയറക്​ടറേറ്റിൽ നിന്നുലഭിച്ച നോട്ടീസിനെ പരിഹസിച്ച്​ ആം ആദ്​മി പാർട്ടി. മോദിയുടെ പ്രിയപ്പെട്ട ഏജൻസിയിൽനിന്ന്​ ഒരു പ്രണയലേഖനം ലഭിച്ചു എന്നാണ്​ ആം ആദ്​മി പാർട്ടി വക്​താവ്​ രാഖവ്​ ഛദ്ദ ഇ.ഡി നോട്ടീസിനെപറ്റി പറഞ്ഞത്​. പാർട്ടി ദേശീയ സെക്രട്ടറി പങ്കജ് ഗുപ്​തയ്ക്കാണ്​ എൻഫോഴ്സ്മെൻറ്​ ഡയറക്​ടറേറ്റ് നോട്ടീസ് നൽകിയത്​. ആം ആദ്​മി പാർട്ടി കഴിഞ്ഞ ഇലക്ഷനിൽ കള്ളപ്പണം വെളുപ്പിക്കാൻ ശ്രമിച്ചു എന്നാണ്​ ഇ.ഡിയുടെ ആരോപണം. ഡൽഹി മുഖ്യമന്ത്രി അരവിന്ദ് കെജ്​രിവാളും സംഭവത്തിൽ പ്രതികരിച്ചിട്ടുണ്ട്​.


'ഡൽഹിയിൽ അവർ ഞങ്ങളെ ഐടി വകുപ്പ്, സിബിഐ, പോലീസ് എന്നിവ ഉപയോഗിച്ച് തോൽപ്പിക്കാൻ ശ്രമിച്ചു. പക്ഷേ ഞങ്ങൾ 62 സീറ്റുകൾ നേടി. പഞ്ചാബ്, ഗോവ, ഉത്തരാഖണ്ഡ്, ഗുജറാത്ത് എന്നിവിടങ്ങളിൽ ഞങ്ങൾ വളർന്നുകൊണ്ട്​ ഇരിക്കു​േമ്പാൾ ഞങ്ങൾക്ക് ഒരു ഇഡി നോട്ടീസ് ലഭിക്കുന്നു. ഇന്ത്യയിലെ ജനങ്ങൾക്ക് സത്യസന്ധമായ രാഷ്ട്രീയം വേണം. ഈ തന്ത്രങ്ങൾകൊണ്ട്​ ബിജെപി ഒരിക്കലും വിജയിക്കില്ല. അവർ ഞങ്ങളെ ശക്തരാക്കും'- കെജ്​രിവാൾ ട്വീറ്റ് ചെയ്​തു.

മുൻ എ.എ.പി നേതാവും ഇപ്പോൾ കോൺഗ്രസിൽ ഉള്ളയാളുമായ സുഖ്​പാൽ സിങ്​ ഖൈര ഉൾപ്പെടെയുള്ള ആളുകളെ കള്ളപ്പണം വെളുപ്പിക്കൽ കേസിൽ ചോദ്യം ചെയ്യാൻ വിളിപ്പിച്ചിട്ടുണ്ട്.

മയക്കുമരുന്ന് കടത്ത്, വ്യാജ പാസ്‌പോർട്ടുകൾ എന്നിവയുമായി ബന്ധപ്പെട്ട രണ്ട് എഫ്‌ഐആറുകൾ കേന്ദ്ര ഏജൻസി ഖൈറയ്‌ക്കെതിരെ രജിസ്​റ്റർ ചെയ്​തതായാണ്​ സൂചന. 2019 ൽ ആപ്​ വിട്ട്​ കോൺഗ്രസിൽ പോയ ആളാണ്​ ഖൈര. എ.എ.പിക്കായി അമേരിക്കയിൽ നിന്ന് ഏകദേശം 100,000 യുഎസ് ഡോളർ സംഭാവന സമാഹരിച്ചതായും ഏജൻസി വൃത്തങ്ങൾ പറയുന്നു.

സർക്കാരി​െൻറ കാർഷിക നിയമങ്ങൾക്കെതിരെ ശബ്​ദമുയർത്തിയതിനാണ്​ തന്നെ കേന്ദ്ര ഏജൻസികൾ ലക്ഷ്യമിടുന്നതെന്നാണ്​ സുഖ്​പാൽ സിങ്​ ഖൈര പറയുന്നത്​.തിരഞ്ഞെടുപ്പിൽ പരാജയപ്പെട്ടതിന് ശേഷം പാർട്ടിയെ 'സ്വഭാവഹത്യ' ചെയ്യാൻ ബിജെപി ശ്രമിക്കുന്നുവെന്ന് ആപ്​ വക്​താവ്​ രാഖവ്​ ഛദ്ദ പറഞ്ഞു.'എൻഫോഴ്സ്മെൻറ്​ ഡയറക്ടറേറ്റിന് ബിജെപി ആസ്ഥാനത്തിന് തൊട്ടടുത്ത് ഒരു ഓഫീസ് സ്ഥലം നൽകണം. അവർ ബിജെപിയുടെ മുന്നണി സംഘടനയാണ്'-ഛദ്ദ പറയുന്നു.

Tags:    
News Summary - Money-Laundering Case Driven By AAP's Rising Popularity: Arvind Kejriwal

വായനക്കാരുടെ അഭിപ്രായങ്ങള്‍ അവരുടേത്​ മാത്രമാണ്​, മാധ്യമത്തി​േൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്​പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്​. അത്തരം പ്രതികരണങ്ങൾ നിയമനടപടി നേരിടേണ്ടി വരും.