മീററ്റ്: തൻെറ വളർത്തുവായ്ക്കൾക്ക് ചപ്പാത്തി ഉണ്ടാക്കി കൊടുക്കാത്തതിന് 25 കാരൻ സഹോദരിയെ വെടിവെച്ചുകൊന്നു. ഉത്തർപ്രദേശിലെ ഭവൻപുർ മേഖലയിലാണ് സംഭവം. അശിഷിന് 20 ഒാളം നായ്ക്കളുണ്ട്. അവയെ പരിപാലിക്കുന്നതുമായി ബന്ധപ്പെട്ട് 23 കാരിയായ സഹോദരി പരുളുമായി തർക്കം പതിവായിരുന്നെന്ന് പൊലീസ് പറയുന്നു.
സംഭവ ദിവസം നായ്ക്കൾക്ക് ചപ്പാത്തി ഉണ്ടാക്കാൻ അശിഷ് സഹോദരിയോട് ആവശ്യപ്പെട്ടു. നിരസിച്ച ഉടനെ വെടിവെക്കുകയായിരുന്നുവെന്ന് പൊലീസ് പറയുന്നു. തലയിലും നെഞ്ചിലുമാണ് വെടിയേറ്റത്. അശിഷ് തന്നെയാണ് പൊലീസിനെ വിവരമറിയിച്ചത്.
വളർത്തു നായ്ക്കളെ ചൊല്ലി അശിഷും സഹോദരിയും തമ്മിൽ തർക്കവും ബഹളവും പതിവായിരുന്നെന്ന് അയൽവാസികളെ ഉദ്ധരിച്ച് വാർത്താ ഏജൻസികൾ റിപ്പോർട്ട് ചെയ്തു. പൊലീസ് അറസ്റ്റ് ചെയ്ത അശിഷിനെ റിമാൻറ് ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.