കർണാടക മുൻ മന്ത്രി കെ. അമർനാഥ് ഷെട്ടി അന്തരിച്ചു

ബംഗളൂരു: ജെ.ഡി(എസ്) നേതാവും കർണാടക മുൻ മന്ത്രിയുമായ കെ. അമർനാഥ് ഷെട്ടി( 80) അന്തരിച്ചു. തിങ്കളാഴ്ച രാവിലെ മംഗളൂരുവ ിലായിരുന്നു അന്ത്യം.

അൽവാസ്​ എജ്യുക്കേഷൻ ഫൗണ്ടേഷൻ(എ.ഇ.എഫ്) ട്രസ്റ്റിയായ ഷെട്ടി 1965ലാണ്​ രാഷ്ട്രീയത്തിൽ പ്രവേശിക്കുന്നത്​. തുടർന്ന്​ കർക്കല താലൂക്കിലെ പാലഡ്​ക പഞ്ചായത്ത്​ പ്രസിഡൻറായി.

1983ൽ മൂഡ്ബിദ്രി നിയോജകമണ്ഡലത്തിൽ നിന്ന് എം‌.എൽ.‌എയായി. തുടർന്ന്​ 1987ലും 1994ലും ഇതേ മണ്ഡലത്തിൽ നിന്നു തന്നെ വീണ്ടും നിയമസഭയിലേക്ക്​ തെരഞ്ഞെടുക്കപ്പെട്ടു. കർണാടക സർക്കാരിൽ ടൂറിസം മന്ത്രിയായും തൊഴിൽ മന്ത്രിയായും സേവനമനുഷ്ഠിച്ചിട്ടുണ്ട്.