പാർലമെൻറ്​ മാർച്ച്​: ജാമിഅ വിദ്യാർഥികൾക്ക്​ പൊലീസിന്‍റെ ക്രൂര​ മർദനം, നിരവധി പേർക്ക് പരിക്ക്

ന്യൂഡൽഹി: പൗരത്വ ഭേദഗതി നിയമത്തിനെതിരെ പാർലമ​​​​​​െൻറിലേക്ക്​ മാർച്ച്​ നടത്തിയ ജാമിഅ മില്ലിഅ ഇസ്​ലാമിയ സർവ കലാശാല വിദ്യാർഥികൾക്ക്​ പൊലീസ് മർദനം. ഗുരുതരമായി പരിക്കേറ്റ 17 പെൺകുട്ടികളെ അൽ ശിഫ ആശുപത്രിയിലേക്ക് മാറ്റി. മാർച്ചിന്​ നേതൃത്വം നൽകിയ ജാമിഅ കോ.ഓർഡിനേഷൻ കമ്മിറ്റി അംഗങ്ങളെ പൊലീസ്​ കസ്​റ്റഡിയിലെടുത്തിട്ടുണ്ട്​. കസ്​ റ്റഡിയിലെടുത്തവരിൽ മലയാളി വിദ്യാർഥി ഷെഹീൻ അബ്​ദുല്ലയും ഉൾപ്പെടുന്നു.

അതേസമയം, വിദ്യാർഥികളെ നിരുപാധികം വി ട്ടയക്കാമെന്ന്​ ഡൽഹി പൊലീസ്​ ഉറപ്പ്​ നൽകി. അപേക്ഷ നൽകിയാൽ പരിഗണിക്കാമെന്നും ഡൽഹി പൊലീസ്​ അറിയിച്ചു. പൊലീസ ിൻെറ ഉറപ്പിൻമേൽ ജാമിഅ വിദ്യാർഥികൾ പിരിഞ്ഞു പോയി.

സർവകലാശാല പരിസരത്ത്​ നിന്ന്​ തുടങ്ങിയ മാർച്ച്​ ഓഖ്​ലയിലെ ഹോളി ഫാമിലി ഹോസ്​പിറ്റലിൻെറ അടുത്തെത്തിയപ്പോൾ​ പൊലീസ്​ തടഞ്ഞതാണ്​ സംഘർഷാവസ്​ഥക്ക്​ ഇടയാക്കിയത്​. പൊലീസ്​ തടയാൻ ശ്രമിച്ചതിനെ തുടർന്ന്​ വിദ്യാർഥികൾ ബാരിക്കേഡുകൾ ചാടിക്കടന്ന് പ്രതിഷേധ മാർച്ച്​ തുടരുകയായിരുന്നു.

നിരവധി പേരാണ്​ സർവകലാശാലക്ക്​ പുറത്ത്​ തിങ്കളാഴ്​ച പ്രതിഷേധിച്ചത്​. സർവകലാശാല വിദ്യാർഥികള​ും പൂർവ വിദ്യാർഥികളും ഉൾപ്പെടുന്ന ജാമിഅ ​കോഓഡിനേഷൻ കമ്മിറ്റിയാണ്​ പ്രതിഷേധം സംഘടിപ്പിച്ചത്​. പാർലമ​​​​​​െൻറി​േലക്ക്​ മാർച്ച്​ നടത്താൻ തീരുമാനിച്ച ഉടൻ ​എതിർപ്പുമായി പൊലീസ്​ രംഗത്തെത്തിയിരുന്നു. മാർച്ചിന്​ ജാമിഅ നഗർ പൊലീസ്​ സ്​റ്റേഷൻ എസ്​.എച്ച്​.ഒ ഉപേന്ദ്ര സിങ്​ അനുമതി നിഷേധിക്കുകയും ചെയ്​തു.

പരീക്ഷ നടക്കുന്നതിനാൽ ഒരു മണിക്കൂർ വൈകിയാണ്​ മാർച്ച്​ ആരംഭിച്ചത്​. ‘ഭരണഘടന നൽകിയ അധി​കാരത്തോടെ ഞങ്ങൾ മാർച്ച്​ ചെയ്യും’ എന്ന മുദ്രാവാക്യത്തോടെയായിരുന്നു പ്രകടനം​. മാർച്ച്​ തടയാൻ കണ്ണീർ വാതകവും ജലപീരങ്കിയും പൊലീസ്​ ഒരുക്കിയിരുന്നു.