ന്യൂഡൽഹി: ഒാക്സ്ഫോഡ് കോവിഡ് വാക്സിെൻറ പരീക്ഷണം മരുന്ന് കമ്പനിയായ അസ്ട്ര സെനേക്ക നിർത്തിയതിന് പിന്നാലെ ഇന്ത്യയിൽ പരീക്ഷണം നടത്തുന്ന സെറം ഇൻസ്റ്റിറ്റ്യൂട്ടിന് ഡ്രഗ്സ് കൺട്രോളർ ജനറൽ ഒാഫ് ഇന്ത്യയുടെ നോട്ടീസ്. വാക്സിൻ പ്രതികൂല ഫലമുണ്ടാക്കുന്നുവെന്ന റിപ്പോർട്ട് സെറം സമർപ്പിച്ചില്ലെന്ന് ചൂണ്ടിക്കാട്ടിയാണ് നടപടി.
ബ്രിട്ടനിൽ ഒാക്സ്ഫോർഡ് യൂനിവേഴ്സിറ്റിയുടെ കോവിഡ് വാക്സിനിെൻറ പരീക്ഷണം നടത്തിയൊരാൾക്ക് അജ്ഞാത രോഗമുണ്ടായിരുന്നു. തുടർന്ന് പരീക്ഷണം നിർത്തിവെക്കുകയും ചെയ്തിരുന്നു. ഇക്കാര്യം അറിയിക്കുന്നതിൽ വീഴ്ച വരുത്തിയതിനാണ് സെറത്തിനെതിരെ നടപടിയെടുത്തിരിക്കുന്നത്. അതേസമയം, സംഭവത്തിന് ശേഷവും ഇന്ത്യയിൽ വാക്സിൻ പരീക്ഷണം നിർത്തിയിരുന്നില്ല.
വാക്സിൻ പരീക്ഷണം ചില രാജ്യങ്ങളിൽ പ്രതികൂല ഫലമുണ്ടാക്കിയ കാര്യം പുനെയിലെ സെറം ഇൻസ്റ്റിറ്റ്യൂട്ട് ഇതുവരെ അറിയിച്ചില്ലെന്ന് കാരണം കാണിക്കൽ നോട്ടീസിൽ ചൂണ്ടിക്കാണിക്കുന്നു. പ്രത്യക സാഹചര്യത്തിൽ രാജ്യത്തെ വാക്സിെൻറ പരീക്ഷണത്തിൽ അന്വേഷണം നടത്തുമെന്നും ഡി.സി.ജി.െഎ നൽകിയ കാരണം കാണിക്കൽ നോട്ടീസിലുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.