ന്യൂഡൽഹി: ഇന്ത്യയിൽ വാക്സിൻ ലഭിക്കുകയെന്നത് ഇപ്പോഴും ബുദ്ധിമുേട്ടറിയ കാര്യമായി തുടരുകയാണ്. വാക്സിന് ക്ഷാമം നേരിടുന്നതിനാൽ പലർക്കും കേന്ദ്രസർക്കാറിന്റെ കോവിൻ പോർട്ടലിൽ സ്ലോട്ട് ബുക്ക് ചെയ്യാൻ സാധിക്കാറില്ല. ഇതിന് പരിഹാരവുമായി എത്തിയിരിക്കുകയാണ് എൻ.ഐ.ടി, ഐ.ഐ.എം പൂർവ്വവിദ്യാർഥികൾ.
'ലോക്കാലിറ്റി.ഇയോ' എന്ന പേരിലാണ് ഇവർ ആപ്പ് പുറത്തിറക്കിയിരിക്കുന്നത്. വാക്സിൻ സ്ലോട്ട് സംബന്ധിച്ച് ആപ് അറിയിപ്പുകൾ നൽകും. 18-44 വയസ് വരെ പ്രായമുള്ളവർക്കാണ് ആപ് ഉപയോഗിക്കാൻ സാധിക്കുക. എൻ.ഐ.ടി കുരുക്ഷേത്ര, റോത്തഗ് ഐ.ഐ.എം എന്നിവിടങ്ങളിലെ പൂർവ വിദ്യാർഥികളാണ് ആപ്പിന് പിന്നിൽ. കേന്ദ്ര വിദ്യാഭ്യാസ മന്ത്രാലയമാണ് ആപിനെ കുറിച്ചുള്ള വിവരങ്ങൾ ട്വിറ്ററിലൂടെ അറിയിച്ചത്.
മെയ് ഒന്നിനാണ് ആപ് പുറത്തിറക്കിയത്. മെയ് ആറ് വരെ 10,000ത്തോളം പേർ ആപിൽ രജിസ്റ്റർ ചെയ്തിട്ടുണ്ട്. എളുപ്പത്തിൽ വാക്സിൻ സ്ലോട്ടുകളെ കുറിച്ചുള്ള വിവരങ്ങൾ ആപ് നൽകുമെന്നാണ് നിർമാതാക്കൾ അറിയിച്ചിരിക്കുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.