അഹമ്മദാബാദ്: കോൺഗ്രസ് ഉപാധ്യക്ഷൻ രാഹുൽ ഗാന്ധിയുമായി കൂടികാഴ്ചനിശ്ചയിച്ചിട്ടില്ലെന്ന് പാട്ടീദാർ നേതാവ് ഹാർദിക് പേട്ടൽ. രാഹുൽ ഗാന്ധിയുമായി കൂടികാഴ്ച നടത്താൻ തീരുമാനിച്ചിട്ടില്ല. അത്തരത്തിൽ പുറത്ത് വരുന്ന വാർത്തകൾ ഉൗഹാപോഹങ്ങൾ മാത്രമാണെന്നും ഹാർദിക് ന്യൂസ് 18 ചാനലിന് നൽകിയ അഭിമുഖത്തിൽ പ്രതികരിച്ചു. നിലവിൽ ഗുജറാത്തിൽ തെരഞ്ഞെടുപ്പ് പ്രചാരണത്തിലാണ് രാഹുൽ.
സംവരണം സംബന്ധിച്ച് ഹാർദിക് പേട്ടൽ നയിക്കുന്ന പാട്ടീദാർ അനാമത് ആന്തോളൻ സമിതിയും കോൺഗ്രസും തമ്മിൽ ധാരണയിലെത്തിയതായി നേരത്തെ വാർത്തകൾ വന്നിരുന്നു. ഇതിന് പിന്നാലെയാണ് രാഹുലും ഹാർദിക്കും തമ്മിൽ കൂടികാഴ്ച നടത്തുമെന്ന റിപ്പോർട്ടുകൾ പുറത്ത് വന്നത്.
നേരത്തെ പാട്ടീദാർ സാമ്പത്തികമായി പിന്നോക്കം നിൽക്കുന്നവർക്ക് നൽകുന്ന സംവരണം നൽകാൻ തയാറാണെന്ന് കോൺഗ്രസ് വ്യക്തമാക്കിയിരുന്നു. കോളജുകളിലും, തൊഴിൽ മേഖലയിലും സംവരണം നൽകാനായിരുന്നു തീരുമാനം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.