ഇസ്രായേൽ വംശഹത്യക്കെതിരെ ഡൽഹിയിൽ നടന്ന ഗസ്സ ഐക്യദാർഢ്യം
ന്യൂഡൽഹി: ഇസ്രായേൽ വംശഹത്യക്കെതിരെ ഡൽഹിയിൽ ഗസ്സ ഐക്യദാർഢ്യവുമായി ഫ്രണ്ട്സ് ഓഫ് ഫലസ്തീൻ കൂട്ടായ്മ. വിവിധ സംഘടനാ പ്രവർത്തകരും വിദ്യാർഥികളും ആക്ടിവിസ്റ്റുകളടക്കം നിരവധി പേരാണ് ചൊവ്വാഴ്ച ഡൽഹി ജന്തർമന്തറിൽ നടന്ന ഗസ്സക്ക് ഐക്യദാർഢ്യവുമായി ഒത്തുകൂടിയത്.
ഫലസ്തീനുമായി ഇന്ത്യക്ക് വർഷങ്ങളായുള്ള ബന്ധമാണുള്ളതെന്നും കേന്ദ്ര സർക്കാർ ഫലസ്തീനൊപ്പം നിൽക്കുകയും ഇസ്രായേലിനെ തള്ളിക്കളയുകയും ചെയ്യാൻ തയാറാകണമെന്ന് കൂട്ടായ്മ ആവശ്യപ്പെട്ടു.
എസ്.ഐ.ഒ ദേശീയ പ്രസിഡന്റ് അബ്ദുൽ ഹഫീസ്, ആകിടിവിസ്റ്റുകളായ നന്ദിത നരൈയിൻ, നദീം ഖാൻ, ജമാഅത്തെ ഇസ്ലാമി ഹിന്ദ് ശൂറാംഗം സലിംഖാൻ, എസ്.ക്യൂ.ആർ ഇല്യാസ്, നിതീഷ് (ജെ.എൻ.യു),സൗരഭ് (ഐസ), അഫീഫ് (ജി.ഐ.ഒ), ആകാഷ് (സി.പി.ഐ എം-എൽ), അൽഫൗസ് (ഫ്രറ്റേണിറ്റി മൂവ്മെന്റ്), അവിചൽ (ബാപ്സ) എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.