ഗാസിയാബാദ്: ഡൽഹി ഗാസിയാബാദ് റെയിൽവേ സ്റ്റേഷനിൽവെച്ച് ശതാബ്ദി എക്സ്പ്രസിന്‍റെ ജനറേറ്റർ കാറിന് തീപിടിച്ചു. ശനിയാഴ്ച രാവിലെ ഏഴുമണിയോടെയായിരുന്നു തീപിടിത്തം.
ഉടൻ തന്നെ ആറു ഫയർ ഫോഴ്സ് വാഹനങ്ങളെത്തി തീയണച്ചു.
ജനറേറ്ററും ലഗേജും സൂക്ഷിക്കുന്ന അവസാന േകാച്ചിലായിരുന്നു തീപിടിച്ചത്. തുടർന്ന് ബോഗി േവർപ്പെടുത്തി തീയണച്ചു. തീ പടർന്നതോടെ കോച്ചിന്‍റെ വാതിലുകൾ തുറക്കാൻ സാധിക്കാതായതോടെ വാതിലുകൾ തകർത്തു. മറ്റു അപകടങ്ങളില്ലെന്നും റെയിൽവേ അധികൃതർ അറിയിച്ചു. തീപിടിത്തത്തിന്‍റെ കാരണം വ്യക്തമല്ല.
മാർച്ച് 13ന് ഡെറാഡൂൺ-ഡൽഹി ശതാബ്ദി എക്സ്പ്രസിന് തീപിടിച്ചിരുന്നു. 35യാത്രക്കാരുണ്ടായിരുന്ന കോച്ചിലായിരുന്നു അപകടം. തുടർന്ന് മറ്റു കോച്ചുകളിലേക്ക് ഇവരെ മാറ്റുകയായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.