കാർഷിക നിയമങ്ങൾക്കെതിരെ പ്രതിഷേധിക്കുന്ന കർഷകർക്ക് പിന്തുണയുമായി പഞ്ചാബ് ശാസ്ത്രജ്ഞൻ അവാർഡ് നിരസിച്ചു. പഞ്ചാബിൽ നിന്നുള്ള കാർഷിക ശാസ്ത്രജ്ഞൻ ഡോ. വരീന്ദർ പാൽ സിങാണ് അവാർഡ് വേദിയിൽ വെച്ച് തൻെറ നിലപാട് വ്യക്തമാക്കിയത്. പഞ്ചാബിലെ കാർഷിക സർവകലാശാലയിലെ പ്രൊഫസറാണ് ഇദ്ദേഹം.
ഡൽഹിയിൽ തിങ്കളാഴ്ച ഫെർട്ടിലൈസർ അസോസിയേഷൻ ഓഫ് ഇന്ത്യ സംഘടിപ്പിച്ച ചടങ്ങിനിടെയാണ് സംഭവം. കേന്ദ്ര മന്ത്രി ഡി.വി സദാനന്ദ ഗൗഡയിൽ നിന്നും അവാർഡ് വാങ്ങാതെ വരീന്ദർ പാൽ സിങ് സ്റ്റേജിൽ നിന്നും കാർഷിക പ്രക്ഷോഭങ്ങൾക്ക് പിന്തുണ പ്രഖ്യാപിക്കുകയായിരുന്നു.
കേന്ദ്ര സർക്കാർ കർഷകരെ കേൾക്കണമെന്നും ഈ സമയത്ത് ഈ അവാർഡ് സ്വീകരിക്കുന്നത് ശരിയായിരിക്കില്ലെന്നും വരീന്ദർ വിശദീകരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.