ന്യൂഡൽഹി: സംസ്ഥാന നിയമസഭകൾക്ക് ഗവർണറെ പുറത്താക്കാനുള്ള അധികാരം നൽകുന്ന സ്വകാര്യ ബിൽ ഡോ. വി. ശിവദാസൻ എം.പി രാജ്യസഭയിൽ അവതരിപ്പിച്ചു.
ഗവർണറെ നിയമസഭക്ക് മൂന്നിൽ രണ്ട് ഭൂരിപക്ഷത്തോടെ പുറത്താക്കാനുള്ള അധികാരം, ഗവർണറെ എം.എൽ.എമാരും തദ്ദേശ സ്ഥാപനങ്ങളുടെ പ്രതിനിധികളും ചേർന്ന് തെരഞ്ഞെടുക്കാനുള്ള സംവിധാനം, ഒരാൾക്ക് ഒരേസമയം ഒന്നിൽ കൂടുതൽ സംസ്ഥാനങ്ങളിൽ ഗവർണറായിരിക്കാനുള്ള അധികാരം റദ്ദാക്കൽ, അഞ്ച് വർഷത്തിന് ശേഷമുള്ള ഗവർണർമാരുടെ കാലാവധി നീട്ടാനുള്ള അനുവാദം പിൻവലിക്കൽ തുടങ്ങിയ ഭേദഗതികളാണ് ബില്ലിലുള്ളത്. ഗവർണർമാരുടെ നിയമനവുമായി ബന്ധപ്പെട്ട ബില്ലിൻമേൽ രാജ്യസഭയിൽ തുടങ്ങിയ ചർച്ച ഡിസംബർ 23ന് തുടരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.