ന്യൂഡല്ഹി: ഇന്ത്യ ഇതുവരെ കയറ്റുമതി ചെയ്തത് 338 കോടി രൂപയുടെ കോവിഡ് വാക്സിന് ഡോസുകളാണെന്ന് കേന്ദ്ര ഉപഭോക്തൃകാര്യമന്ത്രി പിയൂഷ് ഗോയല് രാജ്യസഭയിൽ പറഞ്ഞു. സൗഹൃദ രാജ്യങ്ങള്ക്ക് സൗജന്യമായി നല്കിയതും വാണിജ്യാടിസ്ഥാനത്തില് കയറ്റുമതി ചെയ്തതും ഉള്പ്പെടെയുള്ള കണക്കാണിത്.
ജനുവരി മുതലാണ് വാക്സിൻ കയറ്റുമതി ആരംഭിച്ചത്. ഫെബ്രുവരി എട്ട് വരെയുള്ള കണക്കുപ്രകാരം ആകെ 338 കോടി രൂപയുടെ വാക്സിനാണ് വിദേശരാജ്യങ്ങള്ക്ക് നല്കിയിട്ടുള്ളത്. 125.4 കോടി രൂപയുടെ 62.7 ലക്ഷം വാക്സിന് ഡോസുകള് സൗജന്യമായും 213.32 കോടി രൂപയുടെ 1.05 കോടി ഡോസ് വാക്സിനുകള് വാണിജ്യാടിസ്ഥാനത്തിലും കയറ്റുമതി ചെയ്തു. ഇന്ത്യയുടെ ആഭ്യന്തര വാക്സിന് ആവശ്യകതയ്ക്കാണ് പ്രഥമ പരിഗണന നൽകുന്നതെന്നും അദ്ദേഹം വ്യക്തമാക്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.