ന്യൂഡൽഹി: രാജ്യത്ത് കോവിഡ് വ്യാപനം അതി തീവ്രമായി തുടരുന്നതിനിടെ ആശ്വാസ വാർത്തയുമായി ഐ.സി.എം.ആർ. ഇന്ത്യയിൽ നിലവിൽ പടർന്നു പിടിക്കുന്ന ജനിതകമാറ്റം സംഭവിച്ച വൈറസിനെതിരെ ഭാരത് ബയോടെകിന്‍റെ കോവാക്സിൻ ഫലപ്രദമാണെന്നാണ് ഐ.സി.എം.ആർ വ്യക്തമാക്കിയിരിക്കുന്നത്.
കോവിഡിന്‍റെ വിവിധ വകഭേദങ്ങൾക്കെതിരെ കോവാക്സിൻ ഫലപ്രദമാണ്. ഇരട്ട ജനിതക വകഭേദം സംഭവിച്ച വൈറസിനേയും വാക്സിൻ പ്രതിരോധിക്കുമെന്ന് ഐ.സി.എം.ആർ ട്വീറ്റിൽ വ്യക്തമാക്കി.
കോവിഡിന്‍റെ യു.കെ, ബ്രസീൽ വകഭേദങ്ങൾക്കെതിരെ കോവാക്സിൻ ഫലപ്രദമാണെന്ന് പഠനങ്ങളിൽ നിന്ന് വ്യക്തമായിട്ടുണ്ട്. ഇതിനൊപ്പം ഇന്ത്യയുടെ ചില ഭാഗങ്ങളിൽ പടരുന്ന ഇരട്ട ജനിതക വകഭേദം സംഭവിച്ച വൈറസിനേയും കോവാക്സിൻ പ്രതിരോധിക്കുമെന്ന് ഐ.സി.എം.ആർ പ്രസ്താവനയിൽ അറിയിച്ചു. ഇന്ത്യ തദ്ദേശീയമായി നിർമിക്കുന്ന കോവാക്സിൻ ഉപയോഗത്തിന് കേന്ദ്രസർക്കാർ അടിയന്തര അനുമതി നൽകിയിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.