പക്ഷിപ്പനി, ആഫ്രിക്കൻ പന്നിപ്പനി: നഷ്ടപരിഹാരം ​ആവശ്യപ്പെട്ട് കേരളം

ന്യൂ​ഡ​ൽ​ഹി: പ​ക്ഷി​പ്പ​നി, ആ​ഫ്രി​ക്ക​ൻ പ​ന്നി​പ്പ​നി എ​ന്നി​വ ബാ​ധി​ച്ച് കോ​ഴി, താ​റാ​വ്, പ​ന്നി എ​ന്നി​വ ച​ത്ത​തി​നു​ള്ള ന​ഷ്ട​പ​രി​ഹാ​ര തു​ക​യാ​യ 6.63 കോ​ടി രൂ​പ അ​നു​വ​ദി​ക്ക​ണ​മെ​ന്നാ​വ​ശ്യ​പ്പെ​ട്ട് സം​സ്ഥാ​ന മൃ​ഗ​സം​ര​ക്ഷ​ണ ക്ഷീ​ര വി​ക​സ​ന മ​ന്ത്രി ജെ. ​ചി​ഞ്ചു​റാ​ണി കേ​ന്ദ്ര ക്ഷീ​ര വി​ക​സ​ന ഫി​ഷ​റീ​സ് സ​ഹ​മ​ന്ത്രി ജോ​ർ​ജ് കു​ര്യ​നു​മാ​യി കൂ​ടി​ക്കാ​ഴ്ച ന​ട​ത്തി. 2002 മു​ത​ലു​ള്ള കേ​ന്ദ്ര വി​ഹി​തം ല​ഭി​ക്കാ​നു​ണ്ടെ​ന്ന് മ​ന്ത്രി അ​റി​യി​ച്ചു. മൃ​ഗ സം​ര​ക്ഷ​ണ-​ക്ഷീ​ര മേ​ഖ​ല​യി​ലെ കേ​ര​ള​ത്തി​ന്റെ വി​വി​ധ ആ​വ​ശ്യ​ങ്ങ​ൾ സം​ബ​ന്ധി​ച്ച് മ​ന്ത്രി നി​വേ​ദ​നം ന​ൽ​കി.

ജ​ന്തു​ജ​ന്യ രോ​ഗ​ങ്ങ​ൾ സ്ഥി​രീ​ക​രി​ക്കു​ന്ന സം​സ്ഥാ​ന​ത്തെ ല​ബോ​റ​ട്ട​റി​യാ​യ പാ​ലോ​ടു​ള്ള സ്റ്റേ​റ്റ് ഇ​ൻ​സ്റ്റി​റ്റ്യൂ​ട്ട് ഓ​ഫ് അ​നി​മ​ൽ ഡി​സീ​സി​നും മ​റ്റു ജ​ന്തു​രോ​ഗ നി​ർ​ണ​യ ല​ബോ​റ​ട്ട​റി​ക​ൾ​ക്കു​മു​ള്ള കേ​ന്ദ്ര​ധ​ന​സ​ഹാ​യം അ​നു​വ​ദി​ക്ക​ണ​മെ​ന്നും സം​സ്ഥാ​ന​ത്തെ ചെ​ക്ക് പോ​സ്റ്റു​ക​ളു​ടെ ശാ​ക്തീ​ക​ര​ണ​ത്തി​ന് ആ​വ​ശ്യ​മാ​യ വി​ഹി​തം ഉ​യ​ർ​ത്ത​ണ​മെ​ന്നും മ​ന്ത്രി ആ​വ​ശ്യ​പ്പെ​ട്ടു. കേ​ര​ള​ത്തി​ന്റെ ആ​വ​ശ്യ​ങ്ങ​ളോ​ട് അ​നു​ഭാ​വ​പൂ​ർ​വ​മാ​ണ് മ​ന്ത്രി പ്ര​തി​ക​രി​ച്ച​തെ​ന്ന് കൂ​ടി​ക്കാ​ഴ്ച​ക്ക് ശേ​ഷം ന​ട​ത്തി​യ വാ​ർ​ത്ത​സ​മ്മേ​ള​ന​ത്തി​ൽ ചി​ഞ്ചു​റാ​ണി പ​റ​ഞ്ഞു.