മുംബൈ: രാജ്യത്തെ ഏറ്റവും വലിയ ഫുട്വെയർ റീട്ടെയ്ലേഴ്സായ ബാറ്റയുടെ ഇന്ത്യൻ സി.ഇ.ഒയായി ഗുൻജൻ ഷായെത്തുന്നു. നിലവിലെ സി.ഇ.ഒ ആയിരുന്നു സന്ദീപ് കതാരിയയെ േഗ്ലാബൽ സി.ഇ.ഒ ആയി നിയമിച്ചിരുന്നു. ഇതിന് പിന്നാലെയാണ് ഇന്ത്യൻ സി.ഇ.ഒ ആയി ഷായെത്തുന്നത്.
ബ്രിട്ടാനിയ ഇൻഡസ്ട്രീസിൽ ചീഫ് കൊമേഴ്സ്യൽ ഓഫീസർ ആയിരുന്ന ഗുൻജൻ ഷാ ജൂൺ 21 നാണ് ബാറ്റയിൽ ചുമതലയേൽക്കുക. അഞ്ച് വർഷത്തേക്ക് കമ്പനിയുടെ മുഴുവൻ സമയ ഡയറക്ടറായി ഗുൻജൻ ഷായെ നിയമിച്ചതായി ബാറ്റ വെള്ളിയാഴ്ച സ്റ്റോക് എക്സ്ചേഞ്ച് ഫയലിങ്ങിൽ അറിയിച്ചിരുന്നു.
ഏഷ്യൻ പെയിൻറ്സ്, മോട്ടറോള എന്നിവിടങ്ങളിൽ പ്രവർത്തിച്ച ഷാ 2007 മുതലാണ് ബ്രിട്ടാനിയയുടെ ഭാഗമാകുന്നത്.
ബാറ്റയുടെ ആസ്ഥാനം സ്വിറ്റ്സര്ലൻറ് ആണെങ്കിലും അവരുടെ 70 ശതമാനം വിപണിയും ഇന്ത്യ കേന്ദ്രീകരിച്ചാണ്. ബാറ്റയുടെ ഉടമസ്ഥതയിലും ഫ്രാെഞ്ചെസികളും വഴി രാജ്യത്ത് 1600 ലേറെ സ്റ്റോറുകൾ അവർക്കുണ്ട്. ബാറ്റക്ക് പുറമെ ഹഷ് പപ്പീസ്, നാച്ചുറലൈസർ, പവർ, മാരി ഗ്ലയർ, വെയ്ൻ ബ്രെന്നർ, നോർത് സ്റ്റാർ, ഷോൾ തുടങ്ങിയ ബ്രാൻഡുകളും ബാറ്റയുടെതാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.