കാക്കനാട്: ലോക് ഡൗണിനെ തുടർന്ന് നാട്ടിൽ പോകാനാവാത്തതിെൻറ മനോവിഷമത്തിൽ അന്തർസംസ്ഥാന തൊഴിലാളിയുടെ ഭാര്യ ആത ്മഹത്യ ചെയ്തു. അസം സ്വദേശിനി അജ്മിന ഖാത്തൂനാണ് (26) തൂങ്ങി മരിച്ചത്. തിങ്കളാഴ്ച രാത്രി എട്ടരയോടെ കാക്കനാട്ടെ സ് വകാര്യ ആശുപത്രിയിലായിരുന്നു മരണം.
അഞ്ച് വർഷമായി കാക്കനാട് പടമുകളിലെ ഹോട്ടൽ ജീവനക്കാരനായ ഭർത്താവ് നൂറുൽ ഇസ്ലാമിനോടും മക്കളോടുമൊപ്പം ഹോട്ടലിനോട് ചേർന്ന ചെറിയ കൂരയിലായിരുന്നു താമസം. നാട്ടിലേക്ക് പോകാൻ ടിക്കറ്റ് എടുത്തിരുന്നെങ്കിലും ലോക്ഡൗണിനെ തുടർന്ന് െട്രയിൻ റദ്ദ് ചെയ്തതിനാൽ യാത്ര മുടങ്ങി.
ഞായറാഴ്ച പുലർച്ച മുറിയിൽ ആത്മഹത്യക്ക് ശ്രമിക്കുകയായിരുന്നു. തുടർന്ന് ഗുരുതരാവസ്ഥയിൽ കാക്കനാട്ടെ സ്വകാര്യ ആശുപത്രിയിലെത്തിച്ചെങ്കിലും തിങ്കളാഴ്ച രാത്രി മരിച്ചു.
ലോക്ഡൗണിൽ നാട്ടിൽ പോകാൻ കഴിയാതിരുന്നതിനെ തുടർന്ന് കാക്കനാട് ഭാഗത്ത് ജീവനൊടുക്കുന്ന രണ്ടാമത്തെ അന്തർ സംസ്ഥാന സ്വദേശിയാണ് അജ്മിന. കുഴിക്കാട്ടുമൂലയിൽ താമസിച്ചിരുന്ന ബിഹാർ സ്വദേശിയായ സഞ്ജയ് മറാണ്ഡിയെ ഒരാഴ്ച മുമ്പ് ആത്മഹത്യ ചെയ്ത നിലയിൽ കണ്ടെത്തിയിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.