ഇടത്തുനിന്ന് ആസിം ഖാൻ, ലുബൈബ് ബഷീർ, നജ്ദ റൈഹാൻ, ഫിർദൗസ് ബാർബുയ
ചെന്നൈ: ഫ്രറ്റേണിറ്റി മൂവ്മെൻറ് പുതിയ പ്രവർത്തന കാലയളവിലേക്കുള്ള ഭാരവാഹികളെ തെരെഞ്ഞെടുത്തു. നിലവിൽ ദേശീയ ജനറൽ സെക്രട്ടറിയായിരുന്ന രാജസ്ഥാൻ സ്വദേശി ആസിം ഖാൻ ആണ് പുതിയ ദേശീയ പ്രസിഡൻറ്. ചെന്നൈയിലെ ഫാത്തിമ ലത്തീഫ് നഗറിൽ നടന്ന മൂന്നാമത് ദേശീയ ജനറൽ കൗൺസിലിലാണ് പുതിയ ഭാരവാഹികളെ തെരെഞ്ഞെടുത്തത്.
രണ്ട് ദിവസമായി ചെന്നൈ ഫാത്തിമ ലത്തീഫ് നഗറിൽ നടക്കുന്ന ദേശീയ ജനറൽ കൗൺസിൽ യോഗത്തിൽ വിവിധ സംസ്ഥാനങ്ങളിലെയും യൂനിവേഴ്സിറ്റികളിലേയും തെരെഞ്ഞെടുത്ത പ്രതിനിധികളാണ് പങ്കെടുത്തത്. ദേശീയ ജനറൽ കൗൺസിൽ യോഗം മുൻ ദേശീയ പ്രസിഡന്റ് ഡോ. അൻസാർ അബൂബക്കർ ഉദ്ഘാടനം ചെയ്തു. കഴിഞ്ഞ പ്രവർത്തന കാലയളവിലെ റിപ്പോർട്ട് അവതരണവും ചർച്ചയും നടന്നു.
തെരെഞ്ഞെടുപ്പിന് വെൽഫെയർ പാർട്ടി ഓഫ് ഇന്ത്യ ദേശീയ പ്രസിഡന്റ് എസ്.ക്യു.ആർ ഇല്യാസ് നേതൃത്വം നൽകി. നാല്പത് അംഗ കേന്ദ്ര കമ്മിറ്റിയെയും ജനറൽ കൗൺസിൽ തെരെഞ്ഞെടുത്തു.
പ്രസിഡൻറ്: മുഹമ്മദ് ആസിം ഖാൻ (രാജസ്ഥാൻ)
ജനറൽ സെക്രട്ടറിമാർ: ലുബൈബ് ബഷീർ (ഡൽഹി), ഫിർദൗസ് ബാർബുയ (അസം), നജ്ദ റൈഹാൻ (കേരളം)
വൈസ് പ്രസിഡൻറ്: അഫ്രീൻ ഫാത്തിമ (യു.പി), നുജൈം പി.കെ (കേരളം), ഉമർ ഫാറൂഖ് ഖാദിരി (തെലങ്കാന)
സെക്രട്ടറിമാർ: അഖിലേഷ് കുമാർ (ബിഹാർ), സാന്ദ്ര എം.ജെ ((ഇഫ് ലു), അയിഷ റെന്ന (കേരളം), നാസർ ശൈഖ് (വെസ്റ്റ് ബംഗാൾ), മുഹമ്മദ് അൽഫൗസ് (ഡൽഹി)
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.