ജയ്പൂർ: രാജസ്ഥാൻ നിയമസഭ തെരഞ്ഞടുപ്പിൽ മുൻ മുഖ്യമന്ത്രി അശോക് ഗെഹ് ലോട്ടും സംസ്ഥാന കോൺഗ്രസ് അധ്യക്ഷൻ സചിൻ പൈലറ്റും മത്സരിക്കും. ന്യൂഡൽഹിയിൽ നടത്തിയ വാർത്താസമ്മേളനത്തിൽ ഗെഹ് ലോട്ട് തന്നെയാണ് ഇക്കാര്യം അറിയിച്ചത്.
മുഖ്യമന്ത്രി സ്ഥാനത്തേക്ക് മത്സരിക്കുന്ന കരുത്തുറ്റ കോൺഗ്രസ് നേതാക്കളാണ് സചിനും ഗെഹ് ലോട്ടും. ഭരണവിരുദ്ധ തരംഗം കോൺഗ്രസിന് അനുകൂലമാകുമെന്ന കണക്കുകൂട്ടലിൽ ശക്തരായ സ്ഥാനാർഥികളെ മത്സരിപ്പിക്കാനാണ് പാർട്ടി നീക്കം.
ഗെഹ് ലോട്ടും രാഹുൽ ഗാന്ധിയും നിർദേശിച്ചതിനെ തുടർന്നാണ് താൻ മത്സരിക്കാൻ തീരുമാനിച്ചതെന്ന് സചിൻ പൈലറ്റ് മാധ്യമങ്ങളോട് പറഞ്ഞു.
ബി.ജെ.പി 131 പേരുടെ ആദ്യ സ്ഥാനാർഥിപ്പട്ടിക പ്രഖ്യാപിച്ചിരുന്നു. ലിസ്റ്റിൽനിന്ന് ഒഴിവാക്കപ്പെട്ട ചില എം.എൽ.എമാരും എം.പിയും പാർട്ടിയിൽ നിന്ന് രാജിവെക്കുകയും ചെയ്തിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.