ന്യൂഡൽഹി: മെയ് മധ്യത്തോടെ സർവീസ് ഭാഗികമായി പുനരാരംഭിക്കാനൊരുങ്ങി എയർ ഇന്ത്യ. ലോക്ഡൗണിനു ശേഷം സർവീസുകൾ പുനരാരംഭിക്കേണ്ടതു സംബന്ധിച്ച് എയർഇന്ത്യ ൈപലറ്റുമാരോടും മറ്റ് ജീവനക്കാരോടും വിശദീകരണം ആവശ്യപ്പെട്ടിട്ടുണ്ട്.
ആഭ്യന്തര-അന്താരാഷ്ട്ര സർവീസുകൾ പുനഃസ്ഥാപിക്കാൻ ആവശ്യമായ ജീവനക്കാരുടെ ലഭ്യതയും സ്വീകരിക്കേണ്ട സുരക്ഷ നടപടികളെ കുറിച്ചുമാണ് എയർഇന്ത്യ അധികൃതർ വിശദീകരണം തേടിയത്.
അടുത്തിടെ വിവിധ രാജ്യങ്ങളിൽ കുടുങ്ങിക്കിടക്കുന്ന ഇന്ത്യക്കാരെ തിരിച്ചെത്തിക്കാൻ കേന്ദ്ര സർക്കാർ എയർ ഇന്ത്യയോട് ആവശ്യപ്പെട്ടിരുന്നു. മാർച്ച് 25 മുതലാണ് എയർഇന്ത്യ സർവീസുകൾ പൂർണമായി നിർത്തിവെച്ചത്. ഇത് മെയ് മൂന്നുവരെ തുടരാനാണ് തീരുമാനം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.