കോവിഡ്​ ബാധിതരുടെ മനസലിയിക്കുന്ന വിവരങ്ങൾ പങ്കുവെച്ച്​ ബോളിവുഡ്​ നടി ശിഖ മൽഹോ​ത്ര

മുംബൈ: ‘ഒരു മൃതദേഹം പോലും കാണാൻ ഇടവരുത്തല്ലേ’ എന്ന്​ പ്രാർഥിച്ചുകൊണ്ടാണ്​ ഓരോ ദിവസവും ആശുപത്രിയുടെ പടികയറിച്ചെല്ലു​ക. ഹൃദയത്തെ പണിപ്പെട്ട്​ അടക്കി നിർത്തിയാലും വാർഡിലെ ബെഡിൽ ചലനമില്ലാത്ത ശരീരം കാണു​േമ്പാൾ ഞാൻ തകർന്നുപോകും. തലേന്നാൾ വരെ  എന്നോട്​ സംസാരിച്ചിരുന്ന വ്യക്​തിയായിരിക്കുമത്​...ബോളിവുഡ്​ നടി ശിഖ മൽഹോത്രയുടെ വാക്കുകളാണിത്​. ഒരുമാസമായി കോവിഡ്​ രോഗികൾക്കൊപ്പമാണ്​ ഈ 25കാരി. കോവിഡ്​ മഹാമാരി പടർന്ന സാഹചര്യത്തിലാണ്​ ശിഖ സിനിമയുടെ വെള്ളിവെളിച്ചം വിട്ട്​ ആതുരസേവനത്തിനിറങ്ങിയത്​. മുംബൈ  ജോഗേശ്വരിയിലെ ബാലാസാഹിബ്​ താക്കറെ ​ട്രോമ സ​െൻററിലെ കോവിഡ്​ രോഗികളെയാണ്​ നഴ്​സിങ്​ ബിരുദമുള്ള അവർ ശുശ്രൂഷിക്കുന്നത്​. ഷാരൂഖ്​ ഖാൻ നായകനായ ഫാൻ എന്ന ചി​ത്രത്തിലെ അഭിനയത്തിന്​ ശിഖ ഏറെ പ്രേക്ഷകപ്രീതി നേടിയിരുന്നു. സഞ്​ജയ്​ മിശ്രയോടൊപ്പം ശിഖ അഭിനയിച്ച കാഞ്ച്​ലി എന്ന ചിത്രം കഴിഞ്ഞ ഏപ്രിലിൽ പുറത്തിറങ്ങി. 

‘‘കോവിഡ്​ റിപ്പോർട്ട്​ ചെയ്​തപ്പോൾ മുതൽ അതെ കുറിച്ച്​ കൂടുതൽ അറിയാൻ ശ്രമിച്ചു. ജനത കർഫ്യൂ ദിനത്തിൽ ബാൽക്കണിയിൽ നിന്ന്​ ആരോഗ്യപ്രവർത്തകരുടെ സേവനത്തിന്​ നന്ദിപറഞ്ഞ്​ കൈകൊട്ടിയപ്പോഴാണ്​ അമ്മയെ കുറിച്ച്​ ഓർത്തത്​. കാരണം അവരും ഡൽഹി ആശുപത്രിയിൽ നഴ്​സായി കുറെകാലം ജോലിചെയ്​തിരുന്നു. കോവിഡിനെതിരായ പോരാട്ടത്തിൽ എന്തെങ്കിലും ചെയ്യണമെന്ന്​ മനസ്​ മന്ത്രിച്ചു. നഴ്​സിങ്​ ബിരുദമുണ്ടായിട്ടും അത്​ തൊഴിലായി സ്വീകരിച്ചിരുന്നല്ല. വെറുതെ കൈയടിക്കുന്നതിനെക്കാൾ നല്ലത്​ ആതു​ര ശുശ്രൂഷക്കിറങ്ങുകയാണെന്ന്​ മനസിലായി. തുടർന്നാണ്​ ഈ പ്രഫഷനിലേക്കെത്തിയത്​-ശിഖ ഒരു മാധ്യമത്തിനു നൽകിയ അഭിമുഖത്തിൽ വ്യക്തമാക്കി. 

ചെയ്യുന്ന സേവനത്തിന്​ ശമ്പളം വാങ്ങരുതെന്ന്​ നിർബന്ധമുണ്ടായിരുന്നു. പണത്തിനു വേണ്ടിയല്ല, ജനങ്ങളെ സഹായിക്കാനാണ്​ ഞാൻ ഈ ജോലി തെരഞ്ഞെടുത്തത്​. എട്ടാംക്ലാസിൽ പഠിക്കു​േമ്പാൾ ശരീരം മുഴുവൻ കുഴഞ്ഞ്​ കിടപ്പിലായ എന്നെ അമ്മയാണ്​ ജീവിതത്തിലേക്ക്​ തിരിച്ചുകൊണ്ടുവന്നത്​. അതിനുശേഷമാണ്​ നൻമ ചെയ്യാനായി ജീവിതം മാറ്റിവെക്കണമെന്ന്​ ചിന്തിച്ചത്​. തുടർന്ന്​ ഡൽഹിയിലെ സഫ്​ദർജങ്​ ആശുപത്രിയിൽ നഴ്​സിങ്​ ബിരുദത്തിന്​ ചേർന്നു. വിദ്യാഭ്യാസം പൂർത്തിയാക്കിയ ശേഷം മുംബൈയിലേക്ക്​ പോന്നു’’.  ശിഖ തുടരുന്നു. 

‘‘അമ്മക്കൊപ്പമാണ്​ ഏഴു മാസം പ്രായമുള്ള കുഞ്ഞിനെ ആശുപത്രിയിൽ പ്രവേശിപ്പിച്ചത്​. ഇരുവരും കോവിഡ്​ പോസിറ്റീവായിരുന്നു. അവ​​െൻറ മുത്തശ്ശിക്കും അമ്മായിക്കും രോഗമുണ്ടായിരുന്നു. അവരും ചികിത്സയിലാണ്​. ഞാനവനെ ശുശ്രൂഷിച്ചു. ഒപ്പമിരുന്ന്​ കളിച്ചു. കുറച്ചുദിവസം കൊണ്ടുതന്നെ അവൻ എ​നിക്ക്​ മകനെപോലെയായി. അവ​ന്​ കോവിഡിനെ പ്രതിരോധിക്കാനുള്ള ശേഷി കുറവായിരുന്നു. അവനെ രക്ഷപ്പെടുത്തുമെന്ന്​ ഞാൻ പ്രതിജ്​ഞയെടുത്തു. ഞങ്ങളുടെ കരുതലിൽ അവൻ  ആശുപത്രി വിട്ടു. കുറച്ചു ദിവസം കഴിഞ്ഞ്​ വീണ്ടും പരിശോധിച്ചപ്പോൾ അവന്​ കോവിഡ്​ നെഗറ്റീവായിരുന്നു. ഒപ്പം അവ​​െൻറ കുടുംബാംഗങ്ങളും. അവർ ആശുപത്രി വിട്ടപ്പോൾ കഠിനാധ്വാനത്തിന്​ ഫലമുണ്ടാകുമെന്ന്​ മനസിലായി. 

പല സന്ദർഭങ്ങളിലും മനസ്​ മരവിച്ചുപോയിട്ടുണ്ട്​. എങ്കിലും ഉള്ളിലെ വികാരങ്ങൾ പുറത്തുകാണിക്കാതിരിക്കാൻ പരമാവധി ശ്രമിക്കും. വളരെ ദാരുണമായ കാഴ്​ചകളാണ്​ കാത്തിരിക്കുക. ഒരു നമ്മളൊരു രോഗിയെ ശുശ്രൂഷിക്കുന്നു. ഉടൻ സുഖപ്പെടുവെന്ന്​ പറഞ്ഞ്​ ആശ്വസിപ്പിക്കുന്നു. എന്നാൽ അടുത്ത ദിവസം അദ്ദേഹത്തി​​െൻറ ചലനമില്ലാത്ത ശരീരമാകും വാർഡിലെത്തു​േമ്പാൾ കാത്തിരിക്കുക.

കോവിഡ്​ ലക്ഷണങ്ങളോടെ  55 വയസുള്ള ഒരാളെ ഇവിടെ ഐസൊലേഷനിലാക്കി. അദ്ദേഹത്തി​​െൻറ വൃക്കക്കും പ്രശ്​നമുണ്ടായിരുന്നു. ഉടൻ സുഖപ്പെടുമെന്നും വീട്ടിലേക്ക്​ പോകാനാകുമെന്നും പറഞ്ഞ്​ ഞാൻ ആശ്വസിപ്പിച്ചു. അന്നു രാ​ത്രി മകൾ എ​​െൻറ മൊബൈലിൽ വിളിച്ച്​ അദ്ദേഹം മരണപ്പെട്ട വിവരമറിയിച്ചു. ഉടൻ ആശുപത്രിയിലെത്തി. മരണകാരണം ​ അന്വേഷിച്ചപ്പോൾ വൃക്കരോഗമാണെന്നും കോവിഡ്​ അല്ലെന്നും മനസിലായി. അദ്ദേഹത്തിന്​ കോവിഡ്​ നെഗറ്റീവായിരുന്നു. എന്നാൽ കോവിഡ്​ ഐസൊലേഷൻ വാർഡിൽ കഴിഞ്ഞതിനാൽ മൃതദേഹം സംസ്​കരിക്കാൻ വീട്ടുകാർക്ക്​ വിട്ടുനൽകാൻ ആശുപത്രി അധികൃതർ തയാറായില്ല. കുടുംബാംഗങ്ങളെ പോലും ഒരുനോക്കു കാണാൻ അനുവദിക്കാതെ സംസ്​കരിക്കാനായി ശ്​മശാനത്തിലെത്തിച്ചു. ഉടൻ മകളെയും കൊണ്ട്​ ഞാൻ ശ്​മാശനത്തിലെത്തി മകനെ കൊണ്ട്​ വിഡിയോവഴി അന്ത്യകർമങ്ങൾ പൂർത്തിയാക്കി. ചാരവും കൊണ്ട്​ ഞങ്ങൾ മടങ്ങി. കോവിഡ്​ കാലത്ത്​ പ്രിയപ്പെട്ടവരെ കാണാതെ മരണപ്പെടുന്നവരുടെ അവസ്​ഥ മനസിനെ ഉലക്കുന്നതാണ്​.   

ആശുപത്രിയിൽ ദിവസവും പ്രതിരോധത്തിനായി ജീവനക്കാർക്ക്​ ​ൈ​ഹഡ്രോക്​സിക്ലോറോക്വിൻ നൽകുന്നുണ്ട്​. ഈ മരുന്നിന്​​​​ ക്ഷീണം, ചർദി തുടങ്ങിയ പാർശ്വഫലങ്ങളുമുണ്ട്​. അത്​ പ്രതിരോധിക്കാൻ ഞങ്ങൾ മറ്റുമരുന്നുകളും കഴിക്കേണ്ടി വരുന്നു. ഒരിക്കൽ സുരക്ഷ വസ്​ത്രമായ പി.പി.ഇ  കിറ്റ്​ ധരിച്ചാൽ അത്​ ഒഴിവാക്കുന്നതു വരെ കൈ കഴുകാനോ ഭക്ഷണം കഴിക്കാൻ സാധിക്കില്ല. ദിവസം എട്ടുമുതൽ-10 മണിക്കൂർവരെ തുടർച്ചയായി ജോലിചെയ്യുന്നു. അല്ലെങ്കിൽ 24 മണിക്കൂറും. രോഗികളുടെ ജീവൻ രക്ഷിക്കാനുള്ള ഓട്ടത്തിനിടെ ഞങ്ങൾ സ്വന്തം കാര്യമെല്ലാം മറക്കും-ശിഖ പറഞ്ഞുനിർത്തി.