ഇന്ത്യയിൽ 24 മണിക്കൂറിനുള്ളിൽ 61,537 കോവിഡ്​ രോഗികൾ; 933 മരണം

ന്യൂഡല്‍ഹി: ഇന്ത്യയിൽ കോവിഡ്​ വ്യാപനം അതിരൂക്ഷമായി തുടരുന്നതിനിടെ ​പ്രതിദിന രോഗബാധിതരുടെ എണ്ണത്തിലും വൻ വർധനവ്​. കഴിഞ്ഞ 24 മണിക്കൂറിനുള്ളിൽ 61,537 പേര്‍ക്കാണ് രോഗം സ്ഥിരീകരിച്ചത്. ഇതോടെ രാജ്യത്തെ കോവിഡ് ​ബാധിതരുടെ എണ്ണം 20,88,612 ആയി ഉയർന്നു.

രോഗബാധയെ തുടർന്ന്​ മരിച്ചവരുടെ എണ്ണം 42,518 ആയി. കഴിഞ്ഞ 24 മണിക്കൂറിനിടെ 933 കോവിഡ്​ രോഗികളാണ്​ മരിച്ചത്​.

ആരോഗ്യമന്ത്രാലയം പുറത്തുവിട്ട കണക്ക്​ പ്രകാരം ഇതുവരെ 14,27,006 പേർ രോഗമുക്തി നേടി. 67.98 ശതമാനമാണ് രാജ്യത്തെ രോഗമുക്തി നിരക്ക്​. നിലവില്‍ 6,19,088 പേരാണ് ചികിത്സയില്‍ കഴിയുന്നത്.

ആഗസ്​റ്റ്​ ഏഴു വരെ 2,33,87,171കോവിഡ്​ സാമ്പിളുകൾ പരിശോധിച്ചതായി ഇന്ത്യൻ കൗൺസിൽ ഓഫ്​ മെഡിക്കൽ റിസർച്ച്​ (ഐ.സി.എം.ആർ) അറിയിച്ചു. കഴിഞ്ഞ ദിവസം മാത്രം 5,98,778 സാമ്പിളുകളാണ്​ പരിശോധിച്ചത്.