ന്യൂഡല്‍ഹി: ഇന്ത്യ-പാക് അതിര്‍ത്തിയിലെ സംഘര്‍ഷവുമായി ബന്ധപ്പെട്ട് ഇന്ത്യക്ക് ചൈനയുടെ വിമര്‍ശവും പിന്തുണയും. അതിര്‍ത്തിയിലെ ഇന്ത്യന്‍ സൈനിക നീക്കം യുക്തിഭദ്രമല്ളെന്ന് ചൈനയുടെ ദേശീയ മാധ്യമം കുറ്റപ്പെടുത്തിയപ്പോള്‍, വിദേശകാര്യ മന്ത്രാലയം പ്രശ്നപരിഹാരത്തിനുള്ള പൂര്‍ണ പിന്തുണ അറിയിച്ചു. രണ്ടുവര്‍ഷത്തിനുള്ളില്‍ 3323 കിലോമീറ്റര്‍ വരുന്ന ഇന്ത്യ-പാക് അതിര്‍ത്തി പൂര്‍ണമായും അടക്കുമെന്ന് കേന്ദ്ര ആഭ്യന്തര മന്ത്രി രാജ്നാഥ് സിങ് വ്യക്തമാക്കിയിരുന്നു. ഈ പ്രസ്താവനയെയാണ് ചൈനയുടെ ഗ്ളോബല്‍ ടൈംസ് പത്രം നിശിത ഭാഷയില്‍ വിമര്‍ശിച്ചത്. ഇന്ത്യന്‍ തീരുമാനം ചൈനയുമായുള്ള ബന്ധത്തെപ്പോലും സങ്കീര്‍ണമാക്കുമെന്നും പത്രം നിരീക്ഷിച്ചു.
എന്നാല്‍, അതേദിവസം തന്നെ ഇന്ത്യ-പാക് പ്രശ്ന പരിഹാരത്തിനുള്ള പുര്‍ണ പിന്തുണയും ചൈന പ്രഖ്യാപിച്ചു. വിദേശകാര്യ മന്ത്രാലയം കൗണ്‍സലര്‍ യുവാനാണ് പാക് ടെലിവിഷന്‍ ചാനലിന് അനുവദിച്ച അഭിമുഖത്തില്‍ പിന്തുണ അറിയിച്ചത്. ഇപ്പോഴുള്ള പ്രശ്നങ്ങള്‍ ഇന്ത്യയെയും പാകിസ്താനെയും മാത്രമല്ല, ദക്ഷിണേഷ്യയെ തന്നെ ബാധിക്കുമെന്നും യുവാന്‍ വ്യക്തമാക്കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.