ജോധ്പുർ: രാജസ്ഥാനിൽ വ്യോമസേനയുടെ മിഗ് 27 യുദ്ധവിമാനം തകർന്നു വീണ് മൂന്നു പേർക്ക് പരിക്ക്. ഗ്രാമീണർക്ക് പരിക്കേറ്റതായാണ് റിപ്പോർട്ട്. എന്നാൽ, പൈലറ്റുമാർ സുരക്ഷിതരാണ്. രാജസ്ഥാനിലെ ജോധ്പുരിലായിരുന്നു സംഭവം.
ജോധ്പുർ വ്യോമസേനാ താവളത്തിൽ നിന്ന് അഞ്ച് കിലോമീറ്റർ അകലെ ജനവാസ മേഖലയിലെ കെട്ടിടങ്ങൾക്ക് മുകളിലാണ് വിമാനം പതിച്ചത്. വിമാനം വീണതിന്റെ ആഘാതത്തിൽ രണ്ടു വീടുകൾ തകർന്നിട്ടുണ്ട്.
വ്യോമസേനാ താവളത്തിൽ നിന്ന് പറന്നുയർന്ന ഉടൻ വിമാനം തകർന്നു വീഴുകയായിരുന്നു. സാങ്കേതിക തകരാറാണ് അപകട കാരണമെന്ന് പൈലറ്റ് അധികൃതരെ അറിയിച്ചു. അപകടത്തെ കുറിച്ച് അന്വേഷിക്കാൻ വ്യോമസേന ഉത്തരവിട്ടു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.