ശ്രീനഗർ: കശ്മീരിലെ അതിർത്തി നിയന്ത്രണ രേഖയിൽ വെടിനിർത്തൽ കരാർ ലംഘിച്ച് പാക് വെടിവെപ്പ്. ഇന്ത്യൻ പോസ്റ്റുകൾക്തെിരെ പാക്സൈന്യം നടത്തിയ വെടിവെപ്പിലും ഷെല്ലാക്രമണത്തിലും മൂന്നു സൈനികർ വീരമ്യത്യു വരിച്ചു. അഞ്ച് സൈനികർക്ക് പരിക്കേറ്റു.
കുപ്വാരയിലെ നൗഗാം മേഖലയിലും പൂഞ്ചിലുമാണ് പാക് സൈന്യം ഷെല്ലാക്രമണവും വെടിവെപ്പും നടത്തിയത്. ഇന്ത്യൻ സൈന്യം ശക്തമായ പ്രത്യാക്രമണം നടത്തി. നൗഗാമിലെ വെടിവെപ്പിൽ രണ്ട് സൈനികർ വീരമ്യത്യു വരിക്കുകയും നാലുപേർക്ക് പരിക്കേൽക്കുകയും ചെയ്തു.
നേരത്തെ പൂഞ്ച് സെക്ടറിലുണ്ടായ പാക് വെടിവെപ്പിൽ ഒരു സൈനികൻ വീരമ്യത്യു വരിക്കുകയും ഒരാൾക്ക് പരിക്കേൽക്കുകയും ചെയ്തിരുന്നു. പരിക്കേറ്റ സൈനികരെ ആശുപത്രിയിലേക്ക് മാറ്റി.
അതിർത്തിയിലെ ഇന്ത്യൻ പോസ്റ്റുകൾക്ക് നേരെ പാക് സൈന്യം പ്രകോപനമായ രീതിയിൽ മോർട്ടാർ ഷെല്ലാക്രമണവും വെടിവെപ്പും തുടരുകയാണ്. ഇന്ത്യൻ സേന നടത്തിയ പ്രത്യാക്രമണത്തിൽ പാക് സൈനികർ കൊല്ലപ്പെട്ടിട്ടുണ്ടോയെന്ന കാര്യം വ്യക്തമല്ല.
കഴിഞ്ഞ എട്ടുമാസങ്ങൾക്കിടെ 3000ലധികം വെടിനിർത്തൽ കരാർ ലംഘനങ്ങളാണ് പാകിസ്താൻ നടത്തിയതെന്നാണ് റിപ്പോർട്ട്. 17 വർഷത്തിനിടെയുള്ള ഏറ്റവും ഉയർന്ന കണക്കാണിത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.