ഛത്തീസ്ഗഡിലെ ബസ്തറിൽ 29 മാവോയിസ്റ്റുകളെ സുരക്ഷാ സേന കൊലപ്പെടുത്തി

റാ​യ്പൂ​ർ: ഛത്തി​സ്ഗ​ഢി​ൽ മു​തി​ർ​ന്ന നേ​താ​വ് ഉ​ൾ​പ്പെ​ടെ 29 മാ​വോ​വാ​ദി​ക​ൾ സു​ര​ക്ഷാ​സേ​ന​യു​മാ​യു​ള​ള ഏ​റ്റു​മു​ട്ട​ലി​ൽ കൊ​ല്ല​പ്പെ​ട്ടു. മൂ​ന്ന് സൈ​നി​ക​ർ​ക്ക് പ​രി​ക്കേ​റ്റു. ബ​സ്ത​ർ മേ​ഖ​ല​യി​ലെ കാ​​ങ്കെ​ർ ജി​ല്ല​യി​ൽ അ​തി​ർ​ത്തി ര​ക്ഷാ​സേ​ന (ബി.​എ​സ്.​എ​ഫ്), ഡി​സ്ട്രി​ക്ട് റി​സ​ർ​വ് ഗാ​ർ​ഡ് (ഡി.​ആ​ർ.​ജി) എ​ന്നി​വ സം​യു​ക്ത​മാ​യാ​ണ് മാ​വോ​വാ​ദി വേ​ട്ട ന​ട​ത്തി​യ​ത്.

ഛോട്ടേ​ബെ​ത്തി​യ പൊ​ലീ​സ് സ്റ്റേ​ഷ​ൻ പ​രി​ധി​യി​ലെ ബി​ന​ഗു​ണ്ട, കൊ​റോ​നാ​ർ ഗ്രാ​മ​ങ്ങ​ൾ​ക്കി​ട​യി​ലു​ള്ള ഹ​പ​തോ​ല വ​ന​ത്തി​ൽ ഉ​ച്ച​ക്ക് ര​ണ്ട് മ​ണി​യോ​ടെ​യാ​ണ് ഏ​റ്റു​മു​ട്ട​ലു​ണ്ടാ​യ​ത്. സം​ഭ​വ​സ്ഥ​ല​ത്തു​നി​ന്ന് 29 മൃ​ത​ദേ​ഹ​ങ്ങ​ൾ ക​ണ്ടെ​ടു​ത്തു. എ.​കെ 47 തോ​ക്കു​ക​ൾ, മൂ​ന്ന് യ​ന്ത്ര​ത്തോ​ക്കു​ക​ൾ എ​ന്നി​വ ഉ​ൾ​പ്പെ​ടെ നി​ര​വ​ധി ആ​യു​ധ​ങ്ങ​ളും ക​ണ്ടെ​ടു​ത്തു. മ​ര​ണ​സം​ഖ്യ ഉ​യ​ർ​ന്നേ​ക്കു​മെ​ന്ന് കാ​​ങ്കെ​ർ പൊ​ലീ​സ് സൂ​പ്ര​ണ്ട് ക​ല്യാ​ൺ എ​ലെ​സെ​ല പ​റ​ഞ്ഞു. എ​​ട്ട് മാ​വോ​വാ​ദി​ക​ൾ അ​റ​സ്റ്റി​ലാ​യ​താ​യും അ​ധി​കൃ​ത​ർ സൂ​ചി​പ്പി​ച്ചു.

ബ​സ്ത​ർ മേ​ഖ​ല​യി​ലെ ഏ​റ്റ​വും വ​ലി​യ മാ​വോ​വാ​ദി ഏ​റ്റു​മു​ട്ട​ലു​ക​ളി​ലൊ​ന്നാ​ണ് ഇ​ത്. കൊ​ല്ല​പ്പെ​ട്ട മാ​വോ​വാ​ദി നേ​താ​വ് ശ​ങ്ക​ർ റാ​വു​വി​​ന്റെ ത​ല​ക്ക് പൊ​ലീ​സ് 25 ല​ക്ഷം രൂ​പ വി​ല​യി​ട്ടി​രു​ന്നു. മു​തി​ർ​ന്ന നേ​താ​ക്ക​ൾ ഉ​ൾ​പ്പെ​ടെ ത​മ്പ​ടി​ച്ചി​രി​ക്കു​ന്നു​വെ​ന്ന ര​ഹ​സ്യ​വി​വ​രം ല​ഭി​ച്ച​തി​നെ​തു​ട​ർ​ന്നാ​ണ് സു​ര​ക്ഷാ​സേ​ന പ്ര​ദേ​ശ​ത്ത് തെ​ര​ച്ചി​ൽ ന​ട​ത്തി​യ​ത്.

ഏ​റ്റു​മു​ട്ട​ലി​ൽ പ​രി​ക്കേ​റ്റ ജ​വാ​ന്മാ​രെ ആ​ശു​പ​ത്രി​യി​ൽ എ​ത്തി​ക്കാ​ൻ ഹെ​ലി​കോ​പ്റ്റ​റു​ക​ൾ സം​ഭ​വ​സ്ഥ​ല​ത്തെ​ത്തി​യെ​ങ്കി​ലും ഇ​റ​ങ്ങു​ന്ന​തി​നു​ള്ള ത​ട​സ്സം കാ​ര​ണം തി​രി​ച്ചു​പോ​വു​ക​യാ​യി​രു​ന്നു. തു​ട​ർ​ന്ന് രാ​ത്രി​യി​ലും ലാ​ൻ​ഡ് ചെ​യ്യാ​ൻ സം​വി​ധാ​ന​മു​ള്ള മ​റ്റൊ​രു ഹെ​ലി​കോ​പ്റ്റ​ർ അ​യ​ച്ചു. വ​ന​ത്തി​നു​ള്ളി​ൽ വെ​ച്ചു​ത​ന്നെ സൈ​നി​ക​ർ​ക്ക് പ്ര​ഥ​മ​ശു​ശ്രൂ​ഷ ന​ൽ​കി​യ​ശേ​ഷ​മാ​ണ് ആ​ശു​പ​ത്രി​യി​ലേ​ക്ക് മാ​റ്റി​യ​ത്.

ഒ​രു ബി.​എ​സ്.​എ​ഫ് ജ​വാ​​ന്റെ കാ​ലി​നാ​ണ് വെ​ടി​യേ​റ്റ​ത്. ഇ​ദ്ദേ​ഹം അ​പ​ക​ട​നി​ല ത​ര​ണം ചെ​യ്ത​താ​യി അ​ധി​കൃ​ത​ർ പ്ര​സ്താ​വ​ന​യി​ൽ പ​റ​ഞ്ഞു. ജി​ല്ലാ ആ​സ്ഥാ​ന​ത്തു​നി​ന്ന് 180 കി​​ലോ​മീ​റ്റ​ർ അ​ക​ലെ​യാ​ണ് ഏ​റ്റു​മു​ട്ട​ലു​ണ്ടാ​യ സ്ഥ​ലം. മാ​വോ​വാ​ദി വേ​ട്ട​ക്കാ​യി പ്ര​ദേ​ശ​ത്ത് അ​തി​ർ​ത്തി ര​ക്ഷാ​​സേ​ന​യു​ടെ ശ​ക്ത​മാ​യി സാ​ന്നി​ധ്യ​മു​ണ്ടാ​യി​രു​ന്നു. 200ഓ​ളം ബി.​എ​സ്.​എ​ഫ്, ഡി.​ആ​ർ.​ജി ജ​വാ​ന്മാ​ർ ചൊ​വ്വാ​ഴ്ച​ത്തെ മാ​വോ​വാ​ദി വേ​ട്ട​യി​ൽ പ​​ങ്കെ​ടു​ത്തു. ഏ​പ്രി​ൽ 26ന് ​ര​ണ്ടാം​ഘ​ട്ട ലോ​ക്സ​ഭ തെ​ര​ഞ്ഞെ​ടു​പ്പ് ന​ട​ക്കു​ന്ന സ്ഥ​ല​മാ​ണ് കാ​​ങ്കെ​ർ ജി​ല്ല. ക​ഴി​ഞ്ഞ നാ​ല് മാ​സ​ത്തി​നി​ടെ 72 മാ​വോ​വാ​ദി​ക​ളാ​ണ് സം​സ്ഥാ​ന​ത്ത് കൊ​ല്ല​പ്പെ​ട്ട​ത്.