റോയൽ എൻഫീൽഡ് ആരാധകർക്കായി കമ്പനി ബൈക്ക് റൈഡിങ് മൽസരം സംഘടിപ്പിക്കുന്നു. ആരാധകരെ ത്രസിപ്പിക്കാൻ സ്ക്രാമ്പിൾ എന്ന പേരിൽ ടീം ഇവൻറാണ് സംഘടിപ്പിക്കുന്നത്. വിവിധ വിഭാഗങ്ങളിൽ മൽസരങ്ങൾ നടത്തും . ഹിമാചൽപ്രദേശിലെ ഷിംലയിൽ ജൂൺ 14 മുതൽ 18 വരെയാണ് പരിപാടി. റൈഡറെ ഏല്ലാതരത്തിലും പരീക്ഷിക്കുന്നതാവും മൽസരമെന്നാണ് സൂചന. വിവിധ ടറൈനുകളിൽ മൽസരത്തിനിടെ ഇവർക്ക് ബൈക്കോടിക്കേണ്ടി വരും.
പുരഷൻമാർക്കും സ്ത്രീകൾക്കും വ്യത്യസ്ത വിഭാഗങ്ങളിലായാണ് മൽസരം സംഘടിപ്പിക്കുന്നത്. ഒരു ടീമിൽ രണ്ട് അംഗങ്ങളാവും ഉണ്ടാവുക.വിവിധ വെല്ലുവിളികൾ ഇവർക്കായി നൽകും. ഇതിൽ റൈഡിങ് സമയം, വേഗത, പിന്നിട്ട ദൂരം എന്നിവ വിലയിരുത്തി പോയിൻറ് നൽകും. ഇത്തരത്തിൽ കൂടുതൽ പോയിൻറുകൾ ലഭിക്കുന്നവരാവും മൽസരത്തിൽ വിജയിക്കുക. മൽസരത്തിനായി ഇപ്പോൾ രജിസ്റ്റർ ചെയ്യാമെന്നാണ് റോയൽ എൻഫീൽഡ് അറിച്ചിരിക്കുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.