ന്യൂഡല്ഹി: ദ. കൊറിയന് കാര് നിര്മാണ കമ്പനിയായ ഹ്യുണ്ടായി ഐ.10 കാറുകളുടെ ഉല്പാദനം നിര്ത്തി. മറ്റു ഉല്പന്നങ്ങളുടെ നിര്മാണത്തിലേക്ക് കൂടുതല് ശ്രദ്ധ ചെലുത്തുന്നതിനാണ് ഐ.10 നിര്ത്തിയതെന്ന് കമ്പനിയുടെ ഇന്ത്യന് ശാഖയായ ഹ്യുണ്ടായി മോട്ടോര് ഇന്ത്യ ലിമിറ്റഡ് വൃത്തങ്ങള് പറഞ്ഞു. 2007ലാണ് ഐ.10 വിപണിയിലത്തെുന്നത്.
വിപണിയിലെത്തിയതിന് ശേഷം 16.95 ലക്ഷം െഎ.10 യൂണിറ്റുകളാണ് വിറ്റഴിച്ചത്. 2013ൽ ഐ.10ന് പകരക്കാരനായി ഹ്യൂണ്ടായി ഗ്രാൻഡ് ഐ.10നെ വിപണിയിലെത്തിച്ചുവെങ്കിലും കുറച്ച് കാലം കൂടി ഐ.10നെ വിൽപ്പന തുടരാൻ കമ്പനി തീരുമാനിക്കുകയായിരുന്നു. ഇന്ത്യയിൽ നിലവിലുള്ള മോഡലുകളിൽ പ്രമുഖ സ്ഥാനമാണ് ഹ്യൂണ്ടായ് ഗ്രാൻഡ് ഐ.10ന് ഉള്ളത്.
കൂടുതൽ വൈവിധ്യമായ ശ്രേണിയിലുള്ള കാറുകൾ പുറത്തിറക്കാനുള്ള ശ്രമത്തിലാണ് ഹ്യുണ്ടായ്. ഹൈബ്രിഡ് എസ്.യു.വികളും കാറുകളും ഇന്ത്യൻ വിപണിയിൽ പുറത്തിറക്കാനാണ് ഹ്യുണ്ടായിയുടെ ശ്രമം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.