അർബൻ ക്രൂസർ ബുക്ക് ചെയ്ത ഉപഭോക്താക്കൾക്ക് റെസ്പെക്ട് പാക്കേജുമായി ടൊയോട്ട. പുതിയ വാഹനം കാണുകയോ വില അറിയുകയോ ചെയ്യുംമുമ്പ് കമ്പനിയിൽ വിശ്വാസമർപ്പിച്ച ഉപഭോക്താക്കളെ ആദരിക്കാനാണ് കമ്പനി തീരുമാനിച്ചിരിക്കുന്നത്. രണ്ട് വർഷത്തേക്ക് പണമൊന്നും ഇൗടാക്കാതെ പീരിയോഡിക് മെയിൻറനൻസ് ഇവർക്ക് ലഭിക്കും.
വർഷങ്ങളായി ടൊയോട്ട ബ്രാൻഡിനോടുള്ള ഉപഭോക്താക്കളുടെ വിശ്വാസ്യതയ്ക്ക് ആദരവായാണ് ഇത്തരമൊരു പാക്കേജ് അവതരിപ്പിച്ചിരിക്കുന്നതെന്ന് കമ്പനി അധികൃതർ അറിയിച്ചു. മാരുതി ബ്രെസ്സയെ അടിസ്ഥാനമാക്കിയുള്ള ടൊയോട്ടയുടെ കോംപാക്ട് എസ്.യു.വിയാണ് അർബൻ ക്രൂസർ. പുതിയ കെ സീരീസ് 1.5 ലിറ്റർ ഫോർ സിലിണ്ടർ പെട്രോൾ എഞ്ചിനാണ് വാഹനത്തിന്. മാനുവൽ, ഓട്ടോമാറ്റിക് ഓപ്‌ഷനുകൾ ലഭിക്കും.
മികച്ച ഇന്ധനക്ഷമതയും വാഹനം ഉറപ്പ് നൽകുന്നു. എല്ലാ ഓട്ടോമാറ്റിക് വേരിയൻറിലും നവീന ലിഥിയം അയൺ ബാറ്ററി, സ്റ്റാർട്ടർ ജനറേറ്റർ എന്നിവയും ഉൾെപ്പടുത്തിയിട്ടുണ്ട്. കരുത്തുറ്റ ഗ്രിൽ, ഫോഗ് ലാമ്പ്, ഡ്യുവൽ ചേംബർ എൽ ഇ ഡി പ്രൊജക്ടർ ഹെഡ്‌ലാമ്പ്, ഡ്യുവൽ ഫംങ്ഷൻ ഡി ആർ എൽ കം ഇൻഡിക്കേറ്റർ എന്നിവയാണ് മറ്റ് പ്രത്യേകതകൾ.
16 ഇഞ്ച് ഡയമണ്ട് കട്ട് അലോയ് വീൽ, ഡ്യുവൽ ടോൺ നിറങ്ങൾ, തനതായ ബ്രൗൺ നിറം എന്നിങ്ങനെ വ്യത്യസ്ത ഓപ്‌ഷനുകൾ ഉപഭോക്താക്കൾക്കു തെരഞ്ഞെടുക്കാവുന്നതാണ്. ഓൺലൈൻ വഴിയോ ഡീലർമാർ മുഖേനയോ 11,000 രൂപ നൽകി വാഹനം ബുക്ക് ചെയ്യാം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.