ലോകത്തെ ഏറ്റവും മികച്ച യൂത്ത്​ സെൻറർ തുറന്നു

ദുബൈ:  ഉൗർജസ്വലരായ യുവതലമുറയുടെ ഇഷ്​ട നഗരമായ ദുബൈയിൽ വിപുലമായ സൗകര്യങ്ങളുൾക്കൊള്ളുന്ന യൂവജനകേന്ദ്രത്തിന്​ തുടക്കമായി. 
യു.എ.​ഇ വൈസ്​ പ്രസിഡൻറും പ്രധാനമന്ത്രിയും ദുബൈ ഭരണാധികാരിയുമായ ശൈഖ്​ മുഹമ്മദ്​ ബിൻ റാശിദ്​ ആൽ മക്​തും, അബൂദബി കിരീടാവകാശിയും യു.എ.ഇയുടെ സായുധസേനാ ഉപ സർവ്വസൈന്യാധിപനുമായ ശൈഖ്​ മുഹമ്മദ്​ ബിൻ സായിദ്​ ആൽ നഹ്​യാനും ചേർന്നാണ്​ യൂത്ത്​ സ​െൻറർ ഉദ്​ഘാടനം നിർവഹിച്ചത്​. 

30 വയസിൽ താഴെയുള്ള ഇമറാത്തി യുവജനങ്ങൾ രൂപകൽപന ചെയ്​ത സ​െൻററിൽ  കഴിവുകളുടെയും വിജ്​ഞാനത്തി​​െൻറയും വികസനത്തിന്​ സൗകര്യങ്ങളാണൊരുക്കിയിരിക്കുന്നത്​. 12 മേഖലകളാണ്​ സ​െൻററിലുള്ളത്​.  സന്നദ്ധ സേവന സൗകര്യങ്ങളും പുത്തൻ ആശയങ്ങൾ വിപുലീകരിച്ചെടുക്കാനുള്ള ലാബും തിയറ്ററും ലൈബ്രററിയും യുവ സംഗമങ്ങൾക്കുള്ള ഇടവുമെല്ലാം ഇവിടുണ്ട്​.  വരും തലമുറയെ ഉത്തരവാദിത്വ ബോധത്തോടെ വളർത്തിക്കൊണ്ടുവരാനും ഏതൊരു വെല്ലുവിളിയും നേരിടാനും പ്രാപ്​തരാക്കുകയാണ്​ ലക്ഷ്യമെന്ന്​ രാഷ്​ട്ര നായകർ അഭിപ്രായപ്പെട്ടു.