ദുെബെ: ദുബൈ ഹെൽത്ത് അതോറിറ്റിയുടെ കീഴിലെ വാക്സിൻ കേന്ദ്രങ്ങൾ പെരുന്നാൾ അവധി ദിനങ്ങളിൽ തുറക്കില്ലെന്ന് അധികൃതർ അറിയിച്ചു. അതേസമയം, അൽ ബദാ ഹെൽത്ത് സെൻറർ, അൽ ഖവാനീജ് ഹെൽത്ത് സെൻറർ, ദുബൈ മുനിസിപ്പാലിറ്റി ഹെൽത്ത് സെൻറർ എന്നിവിടങ്ങളിലെ കോവിഡ് പരിശോധന കേന്ദ്രങ്ങൾ തുറക്കും. ഡി.എച്ച്.എയുടെ കീഴിലുള്ള ആശുപത്രികളും ഹെൽത്ത് സെൻററുകളും പ്രവർത്തിക്കും.
അൽ ബർഷ ഹാൾ, വൺ സെൻട്രൽ, അൽ തവാറിലെ ഡയാലിസിസ് സെൻറർ, അൽ ബർഷ ഹെൽത്ത് സെൻർ, നാദൽ ഹമദ് ഹെൽത്ത് സെൻറർ എന്നിവിടങ്ങളിലെ വാക്സിനേഷൻ കേന്ദ്രങ്ങൾ ബുധൻ മുതൽ വെള്ളി വരെ പ്രവർത്തിക്കില്ല.
അതേസമയം ചില വാക്സിൻ കേന്ദ്രങ്ങൾക്ക് അഞ്ച് ദിവസം വരെ അവധിയാണ്. സബീൽ ഹെൽത്ത് സെൻറർ, അൽ മൻഖൂൽ ഹെൽത്ത് സെൻറർ, അൽ സഫ ഹെൽത്ത് സെൻറർ, അൽ തവാർ ഹെൽത്ത് സെൻറർ എന്നിവ മേയ് 11 മുതൽ 15 വരെ പ്രവർത്തിക്കില്ല. മേയ് 16 മുതൽ രാവിലെ എട്ട് മുതൽ രാത്രി എട്ട് വരെ പ്രവർത്തിക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.